2 Korin 13:4 - Nupela Testamen long tokples Kandas

⁴ I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

2 Korin 13:4 Referans Kwoze

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

1 Korin 15:43

A pinin a minat ra di por tari nami ke tamtama wakak, ikut ra in katutur melet in katutur nama labino minamar. Ra di por tari ke dekdek, ikut ra in katutur melet in katutur nama labino dekdek.

1 Korin 2:3

Ra a wanpat torom mot, katu dekdeking, a ngara ma a neneder doko.

Pilipai 3:10

A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.

A Pas anun o Pol torom a taro Rom 14:9

I mo ra o Karisito i mat ma i laun melet, sur i a Labino anundet ra det sa mat, ma anundet kai ra det laun.

A Wakak na Wasiso un o Iesu Karisito o Jon i tumusi 10:18

Kataio in rakon ru anung a nilaun, iau ut an pitari. Iau ut a utur ukai a dekdek sur an pitari, ma iau ut a utur ukai a dekdek sur an los melet pasi. Iri i a pinapam ra o Tita i tulu ru iau sur an pami.”

A Pas anun o Pol torom a taro Rom 1:4

Ma una nun a katkatutur melet gusun a minat, a Tokodos na Nion i ese i lena, i a Nutun o God ma i dekdek. I ut o Iesu Karisito anundat a Labino.

Aposel 2:36

“I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.”

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

Aposel 3:16

Una nurnur una risan o Iesu, di ulangolango pas a musano ri, ra mot tama i ma mot tasmani. A nurnur una risan o Iesu i ulangolango pas a musano ri umatamot rop.

1 Korin 1:25

A mananos anun o God ra a taro det nuki lena a longlong na mananos kut, i ra i labo taun a mananos anun a taro. A dekdekin o God ra a taro det nuki lena ke dekdek, i ra i dekdek sakit taun a dekdekin a taro.

1 Korin 6:14

Una dekdekin o God ut, i ukatutur melet pas a Labino gusun a minat, ma dat kai in ukatutur melet pas dat.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.