2 Korin 10:7 - Nupela Testamen long tokples Kandas

⁷ Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 10:7 Referans Kwoze

2 Korin 5:12

Ka met nem na ulabo pas met torom mot, awu. Met nemi sur mot in warango met, ma sur mot in balu det ra det ser warango det un asau ra a taro det ulabo det uni, ikut ka det ngara sur a balandet in tokodos.

1 Korin 14:37

Ra taio i nuki lena i ut a poropet, o a Tokodos na Nion kura uni, i wakak sur in tasmani lena asau ra a tumusi torom mot, a warkurai ut anun a Labino.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

A Wakak na Wasiso un o Iesu Karisito o Jon i tumusi 7:24

Gong mot warkurai kut nama matmata mot, mot in warkurai nama warkurai ra i tokodos.”

1 Jon 4:6

Dat anun o God, ma osi ra i tasman o God i longoro dat. Ikut osi ra awu sur tagun o God, ken longoro dat. Lenra dat in tasman lele a Nion ra i lingmulus, ma a nion ra i torotoro.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.

1 Korin 3:23

Ma mot anun o Karisito, ma o Karisito anun o God.

Galesia 3:29

Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

2 Korin 13:3

An wasiso lenri, uni mot nemi sur an ese i lena, o Karisito i wasiso torom mot nama anung a wasiso. O Karisito a pinino ke ser ngoro, awu, i ser papam nisamot nama dekdek.

2 Korin 12:11

A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel.

2 Korin 11:18

A susut na taro det warango pas det elar nama ngasino anun a rakrakon bual, i mo ra iau kai an warango pas iau ut.

2 Korin 11:4

Uni mot gas sur mot in longoro taio ra i wanpat torom mot, ma i warawai un ara Iesu gisen, ma awu sur un o Iesu ra met warawai nami. Ma mot gas kut sur din tabor mot nam tu nion gisen, ra awu sur a Tokodos na Nion. Ma mot gas kut sur mot in longoro tu Wakak na Wasiso gisen, ra awu sur a Wakak na Wasiso ra mot sa nurnur uni.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

Luk 16:15

Ra o Iesu i watungi tandet lena, “Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.

Matiu 23:5

Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.