2 Korin 10:11 - Nupela Testamen long tokples Kandas

¹¹ I wakak sur det in tasmani lena, anumet a kum dekdek na wasiso ra det ser luki una numet a kum pas, ra ka met kis nisandet, met in pam sot pasi ut, ra met in nanpat tiro.

2 Korin 10:11 Referans Kwoze

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 10:12

Ka met ser elaro met nam det ra det watungi lena, det labo sakit. Det elaro etetalai det melet ut. Ka det mananos!