1 Tesalonaika 2:4 - Nupela Testamen long tokples Kandas

⁴ Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.

1 Tesalonaika 2:4 Referans Kwoze

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

A Pas anun o Pol torom a taro Rom 8:27

Ma o God i tama a balandat ma i tasman a nuknuk ina Tokodos na Nion, uni a Tokodos na Nion i wararing elar nama nemnem anun o God, sur a taro anunu.

Galesia 2:7

Det tama lele i ra o God ut i pitar tar a pinapam ri tang, sur an warawai nama Wakak na Wasiso torom det ra awu sur a taro Juda, elar nam o Pita kai, ra o God i pitar tar a pinapam toromi sur in warawai nama Wakak na Wasiso torom a taro Juda.

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

Epeses 6:6

Gong mot muri kut anundet a wasiso ra det tama mot, sur mot in ugasgas tar det kut. Mot in papam elar nami ra mot a kum tene ititula anun o Karisito, ma mot in pam a pinapam ra o God i nemi, tomo nama anumot a nilaun rop.

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

Luk 16:11

Ra ka mot lingmulus sur mot in papam wakak nama kum utna taginin upiso, osi kai in nurnur un mot sur mot in papam wakak nama kum utna tagisapat netes?

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.

Ibru 4:13

Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

Kolosi 3:22

Mot a kum tene ititula, mot in mur a wasiso anun anumot a kum mugumugu taginin upiso una kum pinapam rop. Gong mot papam wakak kut ra det tama mot, sur mot in ugasgas tar det kut. Mot in papam wakak torom det nama lingmulusino tiro ubalamot, ma a urur torom a Labino.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

2 Timoti 2:2

A kum etowo ra u sa longoro pasi tang umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami.

2 Korin 5:16

I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu.

1 Korin 7:25

A Labino ke pitar tu warkurai torom iau un det ra ka det nolin. Ikut an inanos mot una nuknuking. Iau a ngas na musano ra a taro det nurnur un iau, uni a Labino i maris doko iau.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.