1 Pita 4:10 - Nupela Testamen long tokples Kandas

¹⁰ O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot.

1 Pita 4:10 Referans Kwoze

A Wakak na Wasiso un o Iesu Karisito o Mak i tumusi 10:45

A Nutun a Musano kai, ke wanpat sur din papam toromi. I wanpat suri ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 3:10

Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

A Pas anun o Pol torom a taro Rom 15:27

Det gas sur det in pami lenra. Ma i tokodos kai ra det in pam a petutna na minabalu torom a taro Juda, uni a taro Juda det sa warut tar det ra awu sur a taro Juda, sur det kai det in rakon a kum utna na nion ra o God i udan det nami, ra numugu anun a taro Juda kut. Ma i wakak sur det bulung det in warut a taro Juda nama mani.

Taitus 1:7

I wakak ra a mugumugu na lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

1 Korin 4:7

Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?

Luk 19:13

Numugu tan anun a inawan, i kabo pas anun a noino tultul toromi, ra i pitar tar ara noino mani tandet, ra i watungi lena, ‘Mot in ulabo i, tuk ra an milet melet.’

Luk 8:3

ma o Joana a ino anun o Kusa, i a mugumugu anun a kum tultul anun o Erod, ma o Susana, ma a susut kai. A wardain ri det warut o Iesu ma anun a kum nat na ususer, nam anundet a kum ululeng ut.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

A Pas anun o Pol torom a taro Rom 15:25

Ikut uniri, an nan munung usapat o Jerusalem sur an warut a taro anun o God sapat.

Matiu 25:44

“Det bulung det in tingi lena, ‘Labino, nangisin met tama ui ra u murak, o u muruk, o u usiro, o ka tin namalu anum, o u misait, o u kis una karabus, ra ka met warut ui?’

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

2 Timoti 1:18

A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epeses.

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Matiu 24:14

Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

2 Korin 9:1

Kan tumtumus melet mo torom mot una pinapam na warut torom a taro anun o God sapat o Jerusalem.

Matiu 24:21

Uni una kum bung ra, in labo sakit a ngunungut. In labo taun a kum ngunungut ra i ser wanpat una rakrakon bual. Turpasi una turturkibin ina rakrakon bual tuk uniri, ma numur kai, katu ngunungut in elar nami.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

Matiu 25:17

Lenkutkai ra torom o naro ra di pitar tar aru arip na mani tano, i ulabo melet pas aru arip taguni.