1 Pita 2:9 - Nupela Testamen long tokples Kandas

⁹ Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

1 Pita 2:9 Referans Kwoze

Tamtama 1:6

ma i ubek tar dat sur dat in warkurai tomo nami una nun a matanitu ma sur dat a kum tene etabor torom o Tamano, i ra o God anunu. Dat a kum tene etabor sur dat in papam torom o God. A minamar ma a dekdek rop i kis un o Iesu Karisito, ken rop ma ken rop. Amen.

Tamtama 5:10

U ubek tar det sur det in warkurai tomo nam ui una num a matanitu, ma sur det a kum tene etabor torom anundat a God, ma det in warkurai nin una rakrakon bual.”

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Tamtama 20:6

Det ra di ulaun det una mugano katkatutur melet gusun a minat, det dan ma det a kum tokodos na taro anun o God. A manru na minat kalako dekdekino sur in pam ukai det. Det a kum tene etabor torom o God ma o Karisito. Det in warkurai tomo nam o Karisito ara arip na kilalo.

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Kolosi 1:13

I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i,

1 Korin 3:17

Ra taio in ban laulau a rumu anun o God, o God in ban laulau a musano ra. Uni a rumu anun o God katu dur uni, ma mot ut a rumu ra.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Pilipai 3:14

A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.

Matiu 4:16

A taro ra det kis una dumirum det sa tama a labino talapor, ma det ra a dumirum na minat i pulus bat det, a talapor i sa wanpat torom det.” Ais 9:1-2

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

Luk 1:79

In sisio un det ra det kis una dumirum, ma una dumirum na minat, sur in mugu dat una kisapi na malmal.”

A Pas anun o Pol torom a taro Rom 9:24

Osi det? Dat ut, ra i sa kabo pas dat. Awu sur a taro Juda kut, a taro gisen kai.

Aposel 26:28

Ra o Agripa i ting o Pol lena, “Pepetlai, u nuki lena un tu kukur du bung kut, un pukus pas iau, sur an nanpat a te Karisito?”

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 1:14

A Tokodos na Nion i a mugano etabor, sur in ulingmulus anun a liliman lena, numur una bung ra o God in ulangolango pas anun a taro, dat in rakon a kum utna ra o God i sa uliliman taru uni. I mo ra, dat in watung ulabo pas o God kibino una nun a minamar!

A Wakak na Wasiso un o Iesu Karisito o Jon i tumusi 17:19

A pitar tar iau ut torom ui, sur det kai, det anum a taro mulus una num a lingmulus na wasiso.

Epeses 3:21

Dat tomo nama taun taro rop numur, dat in rakon lekeleke pasi, ken rop ma ken rop, una kum lamlabino utna i sa pam tari una taro na lotu, ma un o Karisito Iesu. Amen.