1 Pita 1:5 - Nupela Testamen long tokples Kandas

⁵ Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.

1 Pita 1:5 Referans Kwoze

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

Epeses 2:8

O God i maris mot ra i ulaun pas mot ra mot nurnur. Awu sur mot ut mot kibino uni, a etabor kut anun o God torom mot.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

2 Timoti 3:15

ma u tasman a Buk Tabu turpasi ra u natlik utmakai. A Buk Tabu i utalapor a nuknukim, sur un nurnur un o Karisito Iesu, ra o God in ulaun pas ui.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

A Wakak na Wasiso un o Iesu Karisito o Jon i tumusi 17:15

Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

A Pas anun o Pol torom a taro Rom 11:20

A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.

A Wakak na Wasiso un o Iesu Karisito o Jon i tumusi 12:48

Osi ra ke nem iau ma ke mur anung a kum wasiso, anung a kum wasiso ut ra, det in warkurai i una bung na warkurai.

A Wakak na Wasiso un o Iesu Karisito o Jon i tumusi 5:24

“A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.

Ibru 6:12

Ka met nemi sur mot in tabalamat, awu. Met nemi sur mot in mur a magirandet ra det nurnur ma det kis langlang ma pinindet ke ngoro, ra det in utur ukai asau ra o God i sa uliliman taru nami.

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Pas anun o Pol torom a taro Rom 8:18

A tasmani lena, a minamar ra o God in pitari tandat numur, in labo sakit taun a kum mamaut ra uniri dat taramo i.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

Pilipai 4:7

Ra a malmal anun o God ra i labo sakit taun a mananos rop anun a taro, in tamtamabat a balamot ma a nuknuki mot, uni mot tagun o Karisito Iesu.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

2 Pita 1:3

Una dekdekin o God, i tabor dat nama kum utna rop ra dat sibo suri, sur dat in laun wakak, ma dat in mur a petutna ra i wakak umatan o God, uni dat tasman o God, i ra i kabo pas dat, sur dat in los anun a minamar ma a wakak na magirano.