1 Korin 9:18 - Nupela Testamen long tokples Kandas

¹⁸ Asau ra anung a ikul? Anung a ikul i lenri: An gas sur an warawai nama Wakak na Wasiso, ma kataio in kul iau. A pami lenra sur gong a saring mot sur anumot tu warut ra i tokodos sur mot in pitari torom iau.

1 Korin 9:18 Referans Kwoze

1 Tesalonaika 2:6

Ka metul nemi sur mot o taio gisen kai in watung ulabo pas metul.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 7:31

Ma det ra det papam nama kum utna ra kuri upiso, det in laun lari ra ka det nuknuk bing una kum utna ra. Uni a rakrakon bual ri dat laun uni, i sa rorom nanan.

A Pas anun o Pol torom a taro Rom 14:15

Ra un nan tu utna ra i ban purpuruon a nuknukin o tisim, ko upuaso a petutna na marmaris ra. Gong u madek tar tu utna na inangon in ban laulau a nurnur anun tu tisim ra o Karisito i mat suri.

A Wakak na Wasiso un o Iesu Karisito o Jon i tumusi 4:36

Uniri a musano ra i pasong i los anun a ikul. Ma a win anun a pasong, a utna sur a nilaun tukum, sur osi ra i marmarut ma osi ra i pasong, der in gas tomo.

Aposel 18:3

I kis nisan der ma detul papam tomo, uni detul a tulu tene pam rumu na sel.

1 Korin 3:8

O naro ra i marmarut ma o naro ra i pukpuki, a nuknukin der i takai kut. Ma der in los anunder a ikul elar ut nama nunder arara pinapam.

1 Korin 9:12

I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

1 Korin 9:15

Ikut, iau ut ka los pas tu utna tagun a kum utna ri, ma ka tumtumus sur an los tu utna, awu. A gas doko ra a warawai torom mot ma ka los tu ikul uni. A minat a utna oros kut torom iau, ikut anung a gasgas ri i labo doko torom iau, ma ka nemi sur taio in rakon ru i gusun iau.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.