1 Korin 9:15 - Nupela Testamen long tokples Kandas

¹⁵ Ikut, iau ut ka los pas tu utna tagun a kum utna ri, ma ka tumtumus sur an los tu utna, awu. A gas doko ra a warawai torom mot ma ka los tu ikul uni. A minat a utna oros kut torom iau, ikut anung a gasgas ri i labo doko torom iau, ma ka nemi sur taio in rakon ru i gusun iau.

1 Korin 9:15 Referans Kwoze

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

2 Tesalonaika 3:8

Ka metul wan oros pas tu utna na inangon tan taio ra ka metul kuli, awu. Una kum mirum ma a waspi, metul papam dekdek nama lamametul sur u warut metul una numetul a kinkinis, sur gong metul pitar a maut torom tu pasamot sur in kul metul.

1 Korin 9:12

I tokodos sur a taro gisen det in los pas a warut ri gusun mot, ma i tokodos sakit sur met kai met in losi gusun mot. Ikut ka met ungongos pas mot sur anumot tu warut. Met taramo a susut na mamaut, ikut ka met saring mot sur tu warut, sur gong met turbat a Wakak na Wasiso anun o Karisito.

Aposel 20:34

Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 18:3

I kis nisan der ma detul papam tomo, uni detul a tulu tene pam rumu na sel.

1 Korin 4:12

Met papam dekdek nama kum lamamet ut. Ra det watung laulau met, met watung udan det. Ra det ukadik met, ka met balu det.

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Matiu 18:6

Ikut, osi ra in ben raro ara tagun a kum nat liklik ri, ra det nurnur un iau, a warkurai toromi, in laulau doko tan taio, ra din kubus tar tu labino wat unin kabarano, ma din woro murungi sa umadu.

Aposel 20:33

Ka nuknuk laulau sur tu mani anun taio, o tin namalu anun taio.

1 Korin 9:18

Asau ra anung a ikul? Anung a ikul i lenri: An gas sur an warawai nama Wakak na Wasiso, ma kataio in kul iau. A pami lenra sur gong a saring mot sur anumot tu warut ra i tokodos sur mot in pitari torom iau.