1 Korin 8:7 - Nupela Testamen long tokples Kandas

⁷ Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

1 Korin 8:7 Referans Kwoze

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

Aposel 15:20

Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

1 Korin 10:25

A kum wewegua ra di siuru i una rumu na siuru, mot in nani. Ma gong mot iting lena, di sa etabor taru nami torom a torotoro na god o awu, sur gong a nuknuki mot in takun mot lena mot pam a sakino.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.