1 Korin 8:10 - Nupela Testamen long tokples Kandas

¹⁰ Ui, u sa mananos sur un nangon una rumu na etabor anun a torotoro na god, ma a nuknukim awu sur in takun ui uni. Ikut ra un nangon tiro iai, ma o naro ra anun a nurnur ke dekdek in tama ui, un ben tari, sur i kai, in nan a utna ra di sa etabor taru nami torom a kum torotoro na god, ra in taramo i lena, a nuknukino i takuni lena, i pam a sakino.

1 Korin 8:10 Referans Kwoze

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

A Pas anun o Pol torom a taro Rom 14:23

Ikut osi ra i wangon, ma i wur nuknuk una utna ra i wani, din warkurai i ut uni, uni awu sur i mur anun a nurnur. Ma a kum utna rop ra taio i pami ma anun a nurnur ke mulaot uni, i ra a sakino petutna.

1 Korin 8:7

Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

1 Korin 10:32

Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

Aposel 15:20

Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.