1 Korin 6:9 - Nupela Testamen long tokples Kandas

⁹ Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

1 Korin 6:9 Referans Kwoze

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

1 Korin 5:10

Awu sur a kukuraino lena, gong mot lason tomo nama taro tagun a rakrakon bual, ra det ser pam a kum pamuk na petutna, o a kum matano muk, o det ra det ras pas a ututna ra awu sur anundet, o det ra det ser lotu torom a kum torotoro na god, awu. Ra mot nem na wan gusun det, mot in nan taginin una rakrakon bual.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

A Pas anun o Pol torom a taro Rom 1:18

O God i upuaso anun a kankan tagisapat una langit, uni a taro ka det mur a petutna ra i wakak umatano, ma det pam a sakino, ma una nundet a kum sakino petutna, det turbat a lingmulusino.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

1 Korin 15:50

A kum tistising, a watungi tamot lena, a pinindat taginin upiso ken ruk una matanitu anun o God. A pinindat ra i ser mereseng kut, ken ruk una matanitu anun o God, uni a matanitu anun o God ken mereseng.

1 Korin 15:33

Gong di ben raro mot, uni “A kinkinis tomo nama sakino taro, in ban laulau a wakak na petutna.”

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

Ibru 12:16

Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

1 Korin 5:1

A longoro i lena a pamuk na petutna kura i kis epotor tamot. Ara tagun mot i pam a sakino tomo nama ino anun o tamano. A taro ra ka det nurnur, ka det ser pam a sakino petutna lenra.

Jems 1:16

A kum wakak na tistising, gong mot madek tar taio sur in toro pas mot.

1 Korin 9:24

Det rop ra det ililu una kinalabor det kalabor, ikut ara kut tagun det in los a ikul. Pepetlai, ka mot tasman a utna ri? Mot kai mot in dekdek una kinalabor sur mot in los a ikul.

Matiu 19:29

Ma det rop taktakai ra det sa wan gusun anundet a kum rumu, o gusun a kum tistisin det a kum musano ma a kum ino, o gusun a kum tamtaman det, o a kum nanan det, o a kum nutnutun det, o gusun anundet a kum piso, uni det mur iau, din pitar a marmar na utna lenri tandet, ma det in rakoni kai a nilaun tukum.

Aposel 24:25

O Pol i wasiso una tokodos na petutna, ma una petutna ra taio in tamtamabat wakak anun a nilaun, ma una bung na warkurai kai anun o God ra numur in nanpat, ra o Peliks i ngara, ra i watungi lena, “Pol, un nan munung. Un tu bung ra an langolango, an itula melet sur ui.”

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

1 Korin 5:11

Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.

1 Korin 6:18

Mot in nan gisen gusun a kum pamuk na petutna. A kum sakino petutna gisen ra taio i pami, ka det kis una pinino. Ikut, ra taio in pam a kum pamuk na petutna, i pam a sakino una pinino ut.

2 Korin 12:21

A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.

Galesia 6:7

Gong taio i toro pasi ut, uni katutaio in toro lar pas o God. A musano in pasong pasi ut asau ra i sa marut tari.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.