1 Korin 3:5 - Nupela Testamen long tokples Kandas

⁵ Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

1 Korin 3:5 Referans Kwoze

2 Korin 6:4

Una numet a kum pinapam rop i ese i lena, met a kum tultul anun o God. Met tur dekdek ra met taramo a kum mamaut ma a kum ngunungut ma a kum ukadik.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

1 Pita 4:10

O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 4:7

A talapor ri, ra kuri un met, i a utna ra i wakak ma i labo doko. Ikut, met elar nama kum kuro oros kut ra di pami nama piso, sur in ese i lena, a labino dekdek ra kuri un met, tan o God ut, awu sur tagun met.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

2 Korin 3:3

I talapor lena, mot a pas ra o Karisito i tumusi, kibino una numet a pinapam torom mot. Awu sur i tumusi namin nepen, i tumusi ut nama Nion o God ra i laun. Ke tumusi una du wat, i tumusi ut una balan a taro.

1 Korin 3:10

Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

1 Korin 3:7

I mo ra o naro ra i marmarut ma o naro kai ra i pukpuki ka der labo. O God kut i labo, i ra i ulubungi.

A Wakak na Wasiso un o Iesu Karisito o Jon i tumusi 3:27

O Jon i watungi tandet lena, “Kataio in pam pas tu utna ra o God ke pitar tari tano.

Luk 1:2

A taro ra det sa tama tar a kum utna ri numugu, ma det ser ususer a taro una Wakak na Wasiso, det ut det inanos met una kum utna ri.

Matiu 25:15

I pitar tar a limo na arip na mani tan ara, ma aru arip tan ara, ma ara arip kai tan ara. I pitar tari torom detul taktakai elar ut nam anundetul a mananos. Ra numur i wan una nun a inawan.

Kolosi 1:25

O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot.

Epeses 3:7

A wanpat a tultul anun a Wakak na Wasiso ri. Una nun a marmaris ma a dekdekino, o God i pitar tar a pinapam ri tang.

Aposel 18:24

Ara te Juda tagitong o Aleksanderia, a risano o Apolos, i wanpat tong o Epeses. I ara wakak na tene wasiso, ma i mananos doko una Buk Tabu.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

1 Korin 3:22

O Pol, o Apolos, o Pita, a rakrakon bual, a nilaun, a minat, a kum utna tagun uniri, ma a kum utna ra in nanpat numur, anumot rop kut.

1 Korin 16:12

A nemi sur an inanos mot una tisindat o Apolos. A saring dekdeki sur in nan tomo nama kum tistisin dat torom mot, ikut ke nem na wan utmakai. Numur ra tu kisapi in papos toromi, in nan ut.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 5:18

I wanpat ut tan o God, i ra i dat tomo tar dat nami, una minatin o Karisito. Ra i sa pitar tar a pinapam tamet, sur met in dat pasi kai a taro torom o God.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.