1 Korin 3:12 - Nupela Testamen long tokples Kandas

¹² Ra taio in papam netes una kibin a rumu ri nama gol, o a silwa, o a kum watat ra a matandet i ka, o a duwai, o a re, o a kum luluano wit

1 Korin 3:12 Referans Kwoze

2 Timoti 4:3

Uni, a bung in nanpat, ra a taro ka det in nemi mo a tokodos na etowo. Ma una nundet a kum nemnem, det in ben tomo a susut na tene ususer torom det, sur det in ususer det un asau ra det nem na longoro i.

2 Timoti 3:7

A wardain ri det ser etowo a kum bung rop, ikut ka det tasman lar pas a lingmulusino.

2 Timoti 2:20

Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum dur na utna kut.

Tamtama 21:18

In noworo di pami nama jaspa, a wat ra i bulu ma i grin, ma a tamon di pami nama gol rop kut, ra i talapor doko elar nama galas.

Tamtama 3:18

A warut mot nama kum nuknuk ri: Mot in kul a gol tang, ra di sa tun talapor tari una sungun, sur mot in tene ululeng. Ma mot in kuli kai in kabang na malu ma mot in pipisi, sur mot in pipis bat a mengere ra mot ser maimai nami. Ma mot in kul a marasin, ma mot in ubeki umatamot, sur mot in tamtama.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

Tamtama 2:14

Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

1 Timoti 6:3

Ra taio in ususer a taro nam tu se etowo, ra ke elar nama etowo mulus anun anundat a Labino o Iesu Karisito, ma ke elar nama kum etowo ra i warut det, sur a magirandet in wakak umatan o God,

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

A Pas anun o Pol torom a taro Rom 16:17

A kum tistising, a saring mot sur mot in tumarong mot gusun a taro ra det ser pagol susuaro a taro na lotu, ma det watung a kum wasiso ra i turbat a kum etowo ra mot sa rakon pasi. Mot in nan gisen gusun det.

Aposel 20:30

Ma lako taro utkai tagun mot det in tur pat, ma det in pukus a lingmulusino, sur a taro na ususer det in mur det.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

1 Korin 3:11

Uni o God i sa ukis tar o Iesu Karisito, i a kibin a rumu, ma ka din pam melet lar pas tu kibino gisen.

1 Korin 3:13

din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.