1 Korin 2:13 - Nupela Testamen long tokples Kandas

¹³ Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

1 Korin 2:13 Referans Kwoze

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

1 Korin 2:14

Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi.

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

Epeses 5:19

Ma mot in wasiso etetalai nama kum kelekele tagun a Kum Kelekele anun o Dewid, a kum kelekele na lotu, ma a kum kelekele ra a Tokodos na Nion i tabor mot nami. Mot in kelekele ma mot in rakon lekeleke a Labino nama balamot.

1 Korin 14:2

Uni taio ra in wasiso nama wur ngas na wasiso, ke wasiso torom a taro, awu, i wasiso torom o God. A taro ka det tasman a kukuraino. I watung a kum utna na pidik nama dekdekin a Tokodos na Nion.

1 Korin 9:11

Met sa marut tar a wasiso na nion epotor tamot. I tokodos sur mot in tabor met nam lako utna sur met in laun nami.

Luk 12:12

Uni una du bung ut ra, a Tokodos na Nion ut in ususer mot un asau ra mot in watungi.”

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.