1 Korin 16:2 - Nupela Testamen long tokples Kandas

² Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani.

1 Korin 16:2 Referans Kwoze

Aposel 20:7

Una mugano bung una wik, met kis tomo sur met in nangon tomo. Ra o Pol i wasiso torom a taro, ma i walos doko anun a wasiso, tuk ut una labino mirum, uni i nemi sur in nan kut gusun det una bung numur.

Luk 16:10

“Osi ra i lingmulus una nat na utna kut, in lingmulus kai una kum lamlabino utna, ma osi ra ke lingmulus una nat na utna, ken lingmulus utkai una kum lamlabino utna.

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.

A Wakak na Wasiso un o Iesu Karisito o Jon i tumusi 20:19

Ra i mirum una mugano bung una wik, a kum nat na ususer det kis tomo, ma det ukai bat pas det tagisa urumu, uni det ngaran a ramano kum te Juda. O Iesu i wanpat ma i tur epotor tandet, ra i watungi tandet lena, “A malmal torom mot.”

Luk 24:1

Ra i kobot raut, una mugano bung una wik, a wardain det los a kum utna ra i sangsangnain wakak ra det sa waninar pasi, ra det wan utiro una kulam na minat.

A Wakak na Wasiso un o Iesu Karisito o Jon i tumusi 20:26

Ra i sa ra wik bati, a kum nat na ususer det kis tomo melet tiro urumu, det tomo nam o Tomas. Det ukai bat pas det ut tagisa urumu. Ikut o Iesu i wanpat puaso ma i tur epotor tandet, ra i watungi lena, “A malmal torom mot!”

A Wakak na Wasiso un o Iesu Karisito o Mak i tumusi 14:8

A ino ri i sa pam sot pas a utna ra i elar sur in pami. I sa lingis tar in nopolo sangsangnain ri una pining, sur in waninar mugu iau sur a bung ra an mat ma din uruk a minating una kulam na minat.

2 Korin 8:10

An inanos mot nama nuknuking una utna ri: I wakak sur mot in pam rop ru a pinapam na etabor ra mot turpasi una kilalo ra i rop. Mot a mugano taro ra mot nemi sur mot in etabor, ma mot a mugano taro kai ra mot turpas a etabor.