1 Korin 14:33 - Nupela Testamen long tokples Kandas

^33-34 Uni o God, a God na malmal, ma ke nem a utna ra i lokolokor. I wakak ra a wardain det in kis wowowon kut una lotu, elar nama taro anun o God det ser pami una kum tamon rop. Ka di mulaot tar det sur det in wasiso. Det in unatino pas det, elar nama Warkurai anun a taro Juda i watungi.

1 Korin 14:33 Referans Kwoze

1 Korin 14:40

Ikut mot in mur a kum tokodos na inawan ina lotu, ma gong i lokolokor.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

1 Korin 11:16

Ra taio in pukus a wasiso ri, anung a minabalu i lenri: Ka met mur tu ngasino gisen, ma a taro rop anun o God una kum tamon kai awu.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

1 Korin 7:17

Arara in laun ut elar nama nilaun ra a Labino i pitar tari tano, ma elar nama ngas na kinkinis ra kura tano, ra o God i kabo pasi. A pitar a warkurai ri torom a taro na lotu una kum tamon rop.

1 Korin 7:15

Ikut, ra aru suano ra tu pasander ra ke nurnur i nem na wan gusun ara pasander, madek ru i in nan. Ra in nan, anun a musano o anun a ino, ra i tene nurnur, in langolango gusun anunder a kinkinis na nolin. Uni o God i sa kabo pas dat sur dat in kis na malmal.

A Pas anun o Pol torom a taro Rom 15:33

O God, i a kibin a malmal, in kis tomo nam mot rop. Amen.

Luk 2:14

“Dat in watung ulabo pas o God sapat netes sakit, ma a malmal una rakrakon bual rop torom det ra o God i gas sur det.”

1 Korin 4:17

Iri a kibino ra a tulu ru o Timoti torom mot. I a nutung ra a nem doko i, ma i ser lingmulus una pinapam anun a Labino. In unuk tar mot melet una nung a kum petutna, ra i kibino pas tagun anung a kinkinis tomo nam o Karisito Iesu. Anung a petutna i elar nam anung a etowo torom a taro na lotu una kum tamon rop.

Aposel 9:13

Ra o Ananias i balu i lena, “Labino, a sa longoro a susut na wasiso una musano ra, ma una kum laulau na utna ra i ser pami una num a taro sapat o Jerusalem.

1 Korin 14:32

A wasiso na poropet i kis utuntudu ina warkurai anun a poropet ut.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.