1 Korin 10:23 - Nupela Testamen long tokples Kandas

²³ Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 10:23 Referans Kwoze

1 Korin 6:12

Sako taio in watungi lenri, “A kum utna rop i wakak kut sur an pami.” Ikut awu sur a kum utna rop in waruti. “A kum utna rop i wakak kut sur an pami,” ikut kan madek pas tu utna sur an kis utuntudu ina dekdekino.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.

A Pas anun o Pol torom a taro Rom 14:15

Ra un nan tu utna ra i ban purpuruon a nuknukin o tisim, ko upuaso a petutna na marmaris ra. Gong u madek tar tu utna na inangon in ban laulau a nurnur anun tu tisim ra o Karisito i mat suri.

1 Korin 14:17

I lingmulus, anum a niaring na watung wakak torom o God i wakak, ikut ke udekdek a taro.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

1 Korin 14:12

Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.