1 Jon 2:17 - Nupela Testamen long tokples Kandas

¹⁷ A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.

1 Jon 2:17 Referans Kwoze

Matiu 24:35

A langit ma a rakrakon bual der in rop, ikut anung a kum wasiso ken rop.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

1 Korin 7:31

Ma det ra det papam nama kum utna ra kuri upiso, det in laun lari ra ka det nuknuk bing una kum utna ra. Uni a rakrakon bual ri dat laun uni, i sa rorom nanan.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

A Wakak na Wasiso un o Iesu Karisito o Mak i tumusi 3:35

Uni osi ra i ser mur a nemnem anun o God, i ra o tising a musano, ma o tising a ino, ma o nang.”

1 Pita 1:5

Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

Jems 4:14

Ikut ka mot tasman asau ra in nanpat torom mot markan. Anumot a nilaun i elar nama sau? Mot elar kut namin nawal, ra i wanpat pas kut, ma i rorom melet.

A Wakak na Wasiso un o Iesu Karisito o Jon i tumusi 6:58

Iri a beret ra i wan tagisapat una langit, awu sur i elar nama mana, ra a kum tumtubun dat tagun numugu det wani, ma det sa mat. Osi ra in wangon tagun a beret ri, in laun tukum.”

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

1 Tesalonaika 5:18

Mot in watung wakak torom o God un asau rop ra i wanpat torom mot, uni iri a nemnem ut anun o God torom mot, a taro anun o Karisito Iesu.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.