Titus 3:2 - Sei di Uka Ago Ruaka di Buka Bedakai

² Resi amiye rofu nifafana rena de, idu amiyesa ave nisi auta regasa amena maka rebiyagane, ye mina vegu rama amiye rofu reisa bi amiye oteimago ya bi gokai kana amiye.

Titus 3:2 Referans Kwoze

Ephesus vene 4:31

Mokena ru, gubuyo ma gubuyo sisi iniye, kayamo rena ma nifafana rena vegu ya rofu yakuyagane, vegu no tau noibanusa.

Ephesus vene 4:2

Ya kaya moi egona rina, ave nina ma toro rena tau noibanu dudu, ya kaya ya kaya uka mana dudu udiko rebifo.

1 Timothy 3:3

Ina bi koru gira tau gade irina amiye de ma ruda de amiye, idu ave nina amiye ameyaine; bi kayamo ga resi moni ura ga reyaine.

1 Peter 3:10

Adina: “Kaere amiye ini ura redo bi ini vegu ada resi ari buni buni vego, ini afiye yaku vegu no di sina ga nisi ini vena yaku ofa sina ga niyaine.

1 Peter 3:8

Sina metonari: ya tau vakoi mokena yokoi maka ma iriyeduka refa, usika ourena rofu uka mafa, uka yau ma mokena ave nifa.

James 4:11

Usika ourena, amiye idana rofu ni no ga refa. Kaere amiye yaku tobaini o dubuini rofu ni no rego o kota rego, bi ago gira rofu ni no resi mina ago gira kota rego. Idu ago gira kota regiya vonisi, ya bi ago gira neideisa amiye de, idu ini kota reisa amiye.

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

Matthew 11:29

Nai maduna moisi ya fafau aesi na rofu diba nifa, adina nai ukari na bi ave nida; ma yi vima di sifere rena bi makai baku regedi.

1 Peter 2:1

Mina dada ya kaya rofu vegu no tau gade, ofa ofa ago tau gade, ofarosi vegu, gonema ma ago no tau gade makufa.

James 3:17

Idu mokena vabara odoro gutuna deyo bi siko vegu no yokoi de nufa, ma uka amuta ma ave nina dudu. Ina yaku nidodi regi maina redo ma iriyeduka ma meko buni bi vata baeyadi. Ma amiye yokoi bi buni ma amiye yokoi bi de, makai kana de nisi vegu rama maka redo.

Galatia vene 6:10

Mina dada kafu amedori, una yaku vegu buni amiye tau gade rofu renadi ma besa uni usika ourena kana, mokena vari gira aededi vene rofu makai.

Galatia vene 6:1

Usika ourena, amiye yokoi yaku vegu no yokoi rego ma veitao regedi vonisi, ya kaere Vima nufa vene yaku ave nina mokena dudu, ida rorobori masi ya kaya nari refa, yi uka maina ka rego baebu.

1 Timothy 3:11

Ini rema vene ka vegu rorobo reyagane; nifafana ga resi mokena buni amesi vegu tau gaderi rama reyagane.

1 Thessalonica vene 2:7

idu Keriso di nifeidena vene kana, una yaku uni vava dudu, una aedegi ya efare reyagadu. Idu ya vene fogori ave niyafa, kosini yaku ini mida mida susu masi dogo redo kana.

Philippi vene 4:5

Yi amiye rofu mokena buni bi amiye tau gade mina rofu niogau reyaine. Varika amiye bi ogau nigi redo.

1 Corinth vene 9:19

Adina na bi amiye yokoi di moimai rei tavoi reida amiye de. Idu na bi amiye tau noibanu rofu naivo reida amiye kana na kaya niyaka, ye besa amiye tau moi yova rigida dada.

2 Corinth vene 12:20

Adina ya rofu di negidari, nai ura dada de ya veitao regida ma yi ura dada, ya ka de na veitao regedi, mina bi na ori reida: Ya be bi kayamo, gonema, gubuyo, ruda ma nifafana resi fufuta sina nisi roka niodoro resi rafu nomuri amena de rededi baeko.

2 Corinth vene 10:1

Na Paul, ya niegira reida—na kaere bi yi fogori ave nida, idu ya ferei gaima reidari bi ori de dudu ameida, vo nidedi. Keriso di uka ave ma amuta dudu

Moimai di vegu 23:5

Ma nikabai reyo, “Nai usika ourena na na toto ina bi Sei ma amiye utari naivo amiye tora. Adina ago buniri bura reyo, ‘Yi amiye di ourefeidena amiye yokoi fafau ago no bi ga niyainedi.’ ”

Jude 1:10

Idu, mina vene bi beika baika tau toto, bi mina rofu nifafana rededi. Ina vene bi tuma dona nadina di mokena kana, mina beika baika diba niyadi ini amutenari, mina yaku ina vene moi no rido.

Jude 1:8

Mina ida kana, mina yaduka vededi vene yaku iniye ini roaita moi no risi ourefeidena vene fufuta masi oma ideri amededi vene nifafana rededi.

2 Peter 2:10

Mina bi rama iniye, kaere koa rena vegu no di mokena no usi Sei di vava moi etagae ridedi. Mina ofa ofa oteimana vene bi uka bubu dudu rena ma negiyagiya amiye. Odoro vabara nufa vene di roka moi no ridediri, bi ori de rededi.

1 Peter 4:4

Ma ina vene bi tururu reyadi, ini vegu no iniye iniye regasa ameibobina mina auta de rededi dada, mina resi ya nifafana rededi.

1 Corinth vene 6:10

o duma duma rededi, o udu rededi, o koru gira tau gade iridedi, o amiye nifafana rededi, o eru rena dudu duma duma rededi vene yaku Sei di ourefeidena amena sana de moigedi.