Titus 3:1 - Sei di Uka Ago Ruaka di Buka Bedakai

¹ Amiye tau dudusa nioteima kumo ourefeidena vene ma gavamani vene di vava gabireri amesi ini ago neidegasa moi gira risi beika moimai buni maka regika amebiyagane.

Titus 3:1 Referans Kwoze

Matthew 22:21

Ye nikabai reyadi, “Caesar di.” Kamini niyo, “Mina dada beika Caesar di, bi Caesar mafa, ma beika Sei di, bi Sei mafa.”

Hebrew vene 13:21

ini ura rena reyaine, beika baika buni tau ya mago. Resi ka moimai ini nemokori bi ini uka moi ada rededi, bi mina uni uka ideri ka rego, Iesu Keriso dudu, kaere bi toga toga vabara maraine! Rama.

2 Timothy 2:21

Mina dada, amiye yokoi yaku mina rofu iniye moi ruaka ribigo vonisi, bi moimai tora di yava siua kana nigo. Makai bi amiye tora di moimai rofu moi kikifa resi vegu buni tau gade rofu dogo rego.

2 Timothy 1:6

Mina dada dudusa ya nioteimaida Sei beika ya maro, bi fu rei fairo re, mina bi yasa mini. Nai vana ya fafau aeyakari mina moiyo.

1 Timothy 5:10

ma amiye yaku ini vegu buni rofu ni buni rededi: ini mida mida dogo resi yava ika vene gaba resi Sei di vene di yuka koitesi esika esika nufa vene aedesi vegu buni tau gaderi, iniye moi dui regamo dada.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

1 Timothy 4:6

Mina kana sina usika ourena rofu nioteimagiya vonisi, ya bi Iesu Keriso di naivo reisa amiye buni yokoi. Resi mokena vari gira aena di ago ma oteimana ago buni usi digamo, mina dudu sikuru redo mini.

1 Timothy 2:2

mina bi kini ma vava iniye nufa amiye tau rofu, uka amuta ma bere dudu, Sei di mokena kana rena ma vegu rorobo rena dudu, una vegu amebigifa dada.

1 Corinth vene 15:58

Mina resi nai uka maida usika ourena, are rei gira resi etagae ga risi Varika amiye di moimairi toga rei mona mona refa, ya ya diba yi moimai Varika amiye dada, bi rei tavoi de rededi dada.

2 Peter 1:12

Ye na bi toga mina kana bi mokeyaganedi niogau regida, gokai sena diba nisi ya kaya ago ramari moi egira rededi.

Titus 3:8

Mina sina bi rama sina. Gua ura reida ya bi mina sina besa ni, ye kaere Sei rofu mokena vari gira aeyadi vene bi mokena buni dudu, vegu buni kimo rebigedi. Amiye rofu mina moimai buni di sina bi buni ma amiye tau bi ina dudu buni baku regedi.

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

Philippi vene 1:11

Ye yi veguri bi mokena rorobo butu resi vata baego; mina bi Iesu Keriso dudu baego, ini vabara ma Sei di roka moi odoro rina rofu.

Ephesus vene 2:10

Adina una bi beika Sei yaku moimai rei vau reyo mini. Iesu Keriso dudu, Sei yaku senagi dogo reyo vegu buni rofu una riyo, ye rebigifa dada.

Jude 1:5

Ya mina ago bi sena diba niyadi, mina resi nai ura bi dudusa ya nigida. Varika amiye yaku ini vene Egypt gaganiri gutuna moi vegu risi yakuyo. Idu, kaere ina rofu mokena vari gira de aeyadi, bi gabi ukero vau reyo.

Titus 3:14

Uni vene moimai buni di mokena moi gira risi ari neinei di gugura fore moi negau risi vare tavoi amei tavoi bi ga reyaganedi.

2 Timothy 2:14

Mina beika tau ina vene rofu toga oteimasi Sei di nemokori sina ago fafau, kayamo ga reyagane nioku, adina neidededi vene rofu ini buni yokoi de, idu no moigedi maka.

Titus 1:16

Ina iniye nikake redo bi Sei ina diba, idu ini reremama rededi yaku nido ina bi Sei ina toto. Sei yaku ini vegu no ura de iniye rededi, ma Sei di ago gira neidena ura de resi beika buni rena bi de rededi.