Titus 2:2 - Sei di Uka Ago Ruaka di Buka Bedakai

² Rumana tora tora oteima bi koru gira irina ga resi mokena gira ma buni resi ini yuka vana nari reyagane; ma Sei rofu mokena vari gira aena, uka manari ma moi yeiva resi toe moi dina, mina moi gira ribiyagane.

Titus 2:2 Referans Kwoze

Galatia vene 5:23

ave nina ma yuka vana nari rena. Mina kana vegu bi ago gira yokoi amena de.

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

1 Timothy 3:11

Ini rema vene ka vegu rorobo reyagane; nifafana ga resi mokena buni amesi vegu tau gaderi rama reyagane.

1 Peter 5:8

Ya kaya vesi nari refa; yi tuma amiye Bodaka bi lion goroka tora nido kana, dibo resi amiye iri vau regi maina redo.

Titus 1:13

Mina sina bi rama. Mina resi, mina vene rofu sina gira ni, ye ini mokena vari gira aegasa rama maka rebigedi,

1 Timothy 3:2

Mina resi ina bi butigi yokoi de nufa ameyaine; bi rema yokoi maka rumana, mokena buni nufa amesi yuka vana nari reyaine; bi matagini rena amiye amesi yava ika vene afei dui resi oteimai mona reyaine.

1 Thessalonica vene 5:8

Idu una bi ariu vena di vene, mina ye uniye uni yuka vana nari resi mokena vari gira aena ma uka mana mina uni kokoba mari kana aebinadi, ma Sei di moi vegu rina di uka mokena bi ada bou kana aenadi.

Rome vene 12:3

Adina buni tora gade na maro dudu, na yaku ya amiye tau gade rofu nida ya kaya moi odoro rinari beika bi buni de, makai ga mokefa, idu mokena buni maka dudu mokefa, amiye neinei ini mokena vari gira aena Sei yaku maro makai kana rebifa.

1 Peter 1:13

Mina resi moimai rena fafau mokei mona resi yi yuka vana nari regasa Iesu Keriso ogau nigori, buni tora gade ya rofu baego, mina rofu uka mokena ae mona refa.

1 Corinth vene 15:34

Ida rama dada, yi mokena forovai youfeidesi vegu no ga rebifa. Adina bedakai bi Sei rofu ada yora kode. Ya moi maena regi makai nida.

2 Peter 1:6

Yi diba ninari, yi yuka vana nari rena tanu resi minari, moi yeiva resi toe moi dina tanu resi minari, Sei di mokena kana rena ka tanu refa.

Titus 2:7

Beika tau rebigiyari, ya kaya ka vegu buni re kumo mina ya vesi ya tari reyaganedi. Ye oteimabigiyari, bi uka di mokena buni ma gira dudu oteima,

Titus 1:8

Idu bi amiye gaba reyaine, amiye kaere bi vegu buni uka masi ini yuka vana nari resi berou berou rofu mokena rorobo redo. Bi kikifa amiye, ma iniye moi rorobo rido amiye.

1 Timothy 3:4

Ini yava vene ourefeidei mona reyaine ma ini mida mida yaku matagini resi ini vava gabireri raga regedi.

1 Timothy 1:5

Idu mina ni mama rena ago di ida bi uka mana uka kino yokoi de nufa gutuna, uka di mokena buni iniye ma mokena vari gira aena rama mini.

1 Thessalonica vene 5:6

Mina ye, una bi be vene yaku varededi kana ga rebinadi, idu ne are resi uni yuka vana nari rebinadi.

Philippi vene 4:8

Mina metonari, nai usika ourena, beika bi rama, beika bi kikifa, beika bi mokena rorobo nufa, beika bi no yokoi ideri de nufa, beika bi uka mana nufa, beika bi amiye yaku nigedi bi buni tora gade: mina tau gaderi, beika yokoi bi buni vayavaya ma Sei di roka moi odoro rigedi vonisi, bi mina rofu mokefa.

2 Corinth vene 5:13

Adina uni mokena forovai reyo vonisi, bi Sei dada; uni mokena buni dudu amegifa vonisi, bi ya vene dada.

1 Corinth vene 9:25

Isira redo amiye neinei yaku beika baika tau noibanuri ini yuka vana nari redo. Obini gabi no nigo, mina moigi makai rededi, idu obini de no nigo mina moigi una makai resifa.

Moimai di vegu 24:25

Paul yaku mokena rorobo ma yuka vana nari rena ma Sei di kota rego meda mina sina sina nioteimaro, ma Felix mina neidegasa ori resi niyo, “Gua bi digiya. Ma ari buni yokoiri dudusa ya nirutu regida.”

Luke 8:35

Amiye bi beika vata niyo mina vegi diyadi. Iesu rofu okigasa bi mina amiye veyadi, kaere bi vima no tau gade gade ini roaita ideri yakuyo, bi mironari Iesu di yuka atafuri amegamo, roaita dogo resi mokena rorobo dudu, ma ina tau noibanu ori reyadi.

Mark 5:15

Iesu rofu okiyadiri, bi mina amiye veyadi, kaere bi vima no tau gade gade ini roaita ideri amegamo. Ina bi mironari amegamo roaita dogo resi mokena rorobo dudu, ma ina tau noibanu ori reyadi.

1 Timothy 3:8

Dubu di naivo rededi vene ka bi vegu rorobo rena vene niyaganedi. Ina bi ofa ago nina, koru gira tau moina, ofa dudu moni moina udu vene ga niyaganedi.

1 Timothy 1:2

Timothy, mokena vari gira aenari nai mida rama iniye, ya rofu bura reida: Baba Sei ma Iesu Keriso uni Varika amiye yaku buni tora gade, iriyeduka ma uka amuta ya maragane.

1 Timothy 1:10

Bi koa rena vene, rumana iniye iniye koa rena vene, amiye moi gira resi sero regi vene, ofa nina vene, kota ideri ofa sina nina vene ma beika baika bi oteimana ago rama rofu de rededi vene rofu.

1 Timothy 1:14

Ye Iesu Keriso dudu, mokena vari gira aena ma uka mana dudu, uni Varika amiye di buni tora gade na mai vau reyo.

1 Timothy 5:1

Amiye tora emana ga re, idu yi baba kana egira re; ma godua vene yi usika ourena kana ago ni.

Philemon 1:9

idu bi uka mana fafau ya usa nigida. Na Paul, kaere ugava niyaka, ma gua ka bi Iesu Keriso di dibura amiye.