Titus 1:4 - Sei di Uka Ago Ruaka di Buka Bedakai

⁴ Titus, mina fefa bi ya rofu bura reida. Ya bi nai mida kana, adina ya bi nasa vakoi Sei rofu mokena vari gira aesifa. Sei uni Baba ma Iesu Keriso, kaere yaku bi uni Moi vegu rina amiye, yaku buni tora gade ma uka amuta ya maragane.

Titus 1:4 Referans Kwoze

2 Timothy 1:2

Mina bi Timothy nai uka maida mida, ya rofu bura reida: Baba Sei ma Iesu Keriso uni Varika amiye di buni tora gade, iriyeduka ma uka amuta ya maragane.

Jude 1:3

Nai uka maida vene, na bi nai mokena tora noibanu dudu, una moi vegu rina sina vakoi resifa, mina ya rofu bura reida. Ye nai mokena bi ya rofu bura resi ya egira regida, ye mokena vari gira aena di ruda reyagane, goina bi Sei yaku uru yokoi maka ini vene maro.

2 Peter 1:11

Adina makai dudu, uni Varika amiye ma moi vegu rina amiye Iesu Keriso di toga toga ameibobina ourefeidena amena sana di ida vena ya rofu ekesi ya baku resi faiva nigo.

2 Peter 1:1

Mina bi na Simon Peter, Iesu Keriso di moimai rei tavoi reida amiye ma nifeidena amiye— Mina bi uni Sei kaere bi Iesu Keriso moi vegu rina amiye di mokena rorobo dudu bi una kana mokena vari gira aena buni moiyadi vene di:

2 Corinth vene 2:13

idu nai vima bi guta de reyo, adina nai dubuini Titus mironari baku de reyaka dada, ye ina vene rofu yuata maka ni feresi Macedonia urana boyaka.

2 Peter 3:18

Idu yi beika buni rededi, bi uni Varika amiye ma Moi vegu rina amiye Iesu Keriso di buni tora gade ma diba nina ideri tora nifa. Ini roka moi odoro riyaine, gua ma toga toga! Rama.

2 Corinth vene 8:23

Ye Titus iniye bi nai asini, ma ya vene rofu gogo moimai resifa. Ma uni usika ourena vene bi ekalesia vene di nifeidena vene, kaere bi Keriso di roka moi odoro ridedi.

Rome vene 1:12

Ye makai uniye uni mokena vari gira aena dudu ya na niegira regedi, ma na ka ya niegira regida.

John 4:42

Mina rema rofu yomakai niyadi, “Una bi mokena vari gira aeyafa, idu diya ya beika niyo dada; idu gua uniye neide mama resi diba niyafa rama iniye mina bi kono tora noibanu di moi vegu rina amiye.”

1 John 5:14

Sei di nemokori una bi mina mokena buni moiyafa, ye beika yokoi ini ura renari usa nigifa vonisi, bi una neidego.

2 Peter 3:2

Yi mokena moi dairisi beika vo nigedi di ago, Sei di ago niyadi vene akeke yaku niyadi ma Varika amiye ma Moi vegu rina amiye di ago gira bi yi nifeidena vene yaku ka ya niyadi, mina mokeyagadu.

2 Peter 2:20

Ye mina vene, kaere mina kono tora noibanu amiye di vegu no uni Varika amiye ma Moi vegu rina amiye Iesu Keriso di diba nina dudu ori diyadi vonisi, bi dudusa no yaku ina moi burivai resi ourefeidegori, mina ariri bi no iniye iniye nigo, ini amei kora rena kana de.

Titus 1:3

Ma iniye ini niyo ariri ini ago moi ogau riyo; Sei una Moi vegu rina amiye di ago gira fafau mina oteimana moimai na nimaro.

Colossae vene 1:2

Sei di vene ma vegu rama rededi usika ourena Keriso ideri Colossae ri rofu: Uni Baba Sei yaku buni tora gade ma uka amuta ya maraine.

Ephesus vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Galatia vene 2:3

Titus kaere bi nasa, bi Greece amiye, idu mina Jew vene yaku roaita moi nugagi de reyadi.

2 Corinth vene 12:18

Titus digi niguba resi dubuini yokoisa nifeideyaka. Titus yaku vegu no ya rofu reyo ba? Una bi vima yokoiri kana, ida yokoiri nana reyafa.

2 Corinth vene 8:16

Idu Sei rofu buni tora gade maida, kaere bi ya vene ya mokeida kana, Titus di ukari ka mina kana mokena aeyo!

2 Corinth vene 8:6

Ye Titus niguba reyafa, ina yaku mina buni tora gade di moimai bi kora resi reyo, ye mina ka ya vene dudu moi koina reyaine.

2 Corinth vene 7:6

Idu Sei, kaere uka yau moidedi vene egira redo, Titus di okina yaku una egira reyo.

2 Corinth vene 4:13

Bura renari bi yomakai niyo: “Na ago niyaka, ini adina bi mokena vari gira aeyaka dada.” Mina resi una bi mina mokena vari gira aena di vima yokoi maka nufa dada, ye una ka mokena vari gira aesi ka ago nisifa.

Rome vene 1:7

Mina sina bi Rome ri amededi vene tau rofu, kaere bi Sei ini uka masi iniye ini vene roka nido: Uni Baba Sei ma Varika amiye Iesu Keriso di buni tora gade ma uka amuta ya maragane.

Luke 2:11

Adina gua mina mida, David di taoniri, ya vene di Moi vegu rina amiye sena vata niyo. Mina bi Keriso Varika amiye!

Galatia vene 3:26

Adina ya tau gade bi mokena vari gira Iesu Keriso aena dudu Sei di mida mida niyadi.

Galatia vene 3:28

Bi Jew vene ma tutubena idana vene bi idana yokoi de; bi moimai rei tavoi redo amiye ma erufuna amiye bi idana yokoi de; bi rema ma rumana bi idana yokoi de, adina ya amiye tau gade bi Iesu Keriso ideri yokoi maka.

1 Timothy 1:12

Na bi uni Varika amiye Iesu Keriso rofu buni tora gade maida, kaere bi yeiva na maro. Adina ina yaku mokesi bi mokena vari gira na rofu aego, mina naivo regi na auba reyo.

2 Timothy 1:1

Na Paul bi Sei di ura dudu Iesu Keriso di nifeidena amiye, nitore reyo vegu Iesu Keriso sa dada—

2 Timothy 4:10

Adina Demas bi mina kono di vegu uka masi na ferei disi Thessalonica ri boyo. Ma Crescens bi Galatia ri diyo ma Titus bi Dalmatia ri diyo.

Titus 2:13

Uni isivaga iniye Sei ma Moi vegu rina amiye Iesu Keriso di vabara ogau nigo, bi mina ada rena meda uka mokena aena nari resifa,