Titus 1:1 - Sei di Uka Ago Ruaka di Buka Bedakai

^1-2 Na Paul, kaere bi Sei di moimai rei tavoi reida amiye, ma Iesu Keriso di nifeidena amiye mina bura reida. Mina reida dada, Sei yaku ini auba reyo vene bi ini mokena vari gira aesi sina rama di mokena moisi Sei ini mokena kana bi regedi. Ye toga toga ameibobina vegu di uka mokena moigifa, goina bi Sei, kaere ofa de nido, bi ari dobau sena nitore reyo.

Titus 1:1 Referans Kwoze

Rome vene 1:1

Na Paul, kaere bi Iesu Keriso di moimai rei tavoi reida amiye, ya rofu bura reida. Sei yaku na nifeidena amiye kana raka nisi Sei di ago buni nirausi regi auba reyo.

1 Timothy 6:3

Amiye yokoi yaku ofa ago oteimasi uni Varika amiye Iesu Keriso di oteimana ago rama ma Sei di vegu kana, oteimana ago yo de nigo vonisi,

2 Timothy 2:25

Ka bi ina rofu tourage rededi ave nina vegu rorobo reyaine, kamini Sei yaku vegu no feresi moi etagae rina vegu mago baeko, ye makai ago rama diba nigedi.

2 Timothy 2:23

Resi forovai ma ada yora de kayamo ago egavoi re, adina ya ya diba mina dudu ruda moi evata rido.

2 Peter 1:3

Sei di vava dudu, beika baika tau una maro ye vegu ma Sei di mokena kana, baku resi amegifa. Mina bi uni diba nina mina amiye dudu, kaere vabara ma buni iniye dudu una raka niyo.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

2 Peter 3:11

Mina kana ida dudu makai tau gade roro nigo, ya bi gokai kana vene nigedi? Ya yi vegu amei kikifa resi Sei di mokena kana refo,

1 Timothy 2:4

kaere bi ura redo amiye tau noibanu moi vegu rigo ma rama diba ni vau regedi.

Colossae vene 2:2

Ye makai ini uka egira reyagane. Kamini uka mana dudu vakoi gogo riyadiri, bi ada yora tau gade di buni vayavaya tau noibanu moisi Sei di sui ago diba niyaganedi; bi Keriso iniye mini,

Philippi vene 1:1

Mina bura bi na Paul ma Timothy gutuna, kaere bi Iesu Keriso di moimai rei tavoi resifa vene — Sei di vene tau gade Iesu Keriso ideri kaere bi Philippi ri amededi, ekalesia vene di ourefeidena vene ma ini naivo rededi venesa rofu:

2 Corinth vene 1:1

Sei di ura dada, na Paul bi Iesu Keriso di nifeidena amiye niyaka, ma uni dubuini Timothy ka nasa mini — Ya Corinth taoniri Sei di ekalesia vene ma Sei di vene tau noibanu Achaia gaganiri amededi ya tau vakoi rofu bura reida:

Moimai di vegu 13:48

Tutubena idana vene yaku mina sina neidegasa ada resi Varika amiye di roka moi odoro riyadi; resi kaere bi Sei yaku toga toga ameibobina vegu rofu vo niyo bi mokena vari gira aeyadi.

Ephesus vene 2:8

Adina yi mokena vari gira aeyadiri, buni tora gade dudu ya moi vegu riyo. Mina bi diya ya kaya reyadi; bi beika Sei davana de nufa dudu, ya maro.

1 John 2:23

Kaere amiye yaku Mida etofa redo bi Babasa de amedo, ma kaere amiye yaku Mida niogau redo, bi Babasa ka amedo.

Luke 18:7

Sei yaku gua ini auba resi moiyo vene, kaere uru ari ina rofu isaka nidedi, bi ini ago neidesi ini vegu moi rama rigo, ba ide? Kiya kiya aedego ba?

2 Timothy 2:10

Mina dada beika tauri are rei gira reida, Sei di auba reyo vene rofu, ma Iesu Keriso dudu, toga toga ameibobina di vabara nufa, ka moi vegu rigo dada.

James 1:1

Mina bi James, Sei ma Varika amiye Iesu Keriso di moimai rei tavoi reida amiye, rofu: Ya Israel di rubu 12 vene kaere kono tora noibanuri rerevaida reyadi, ya rofu yuata nifeideida.

Niokuna sina 1:1

Mina bi Iesu Keriso di niokuna sina sina Sei yaku ina maro, ye beika meda atafuri, vata niyainedi ini moimai rei tavoi rededi vene oteimago. Mina ago ini naivo naivo vima dudu ini moimai rei tavoi reida amiye na, John rofu nifeideyo,