Philippi vene 4:10 - Sei di Uka Ago Ruaka di Buka Bedakai

¹⁰ Na bi Varika amiye rofu ada tora gade iniye reida, adina bi meda doba mamo gua dudusa na rofu mokededi. Rama sena na rofu mokeyadi, idu gokai na rofu aedegi di ida bi koina.

Philippi vene 4:10 Referans Kwoze

2 Corinth vene 11:9

Ma gugura beika de yasa amegamakari, mina toe bi yokoi rofu de aegamaka, adina Macedonia gutuna baeyadi usika ourena, ya gugura beika de nufa mina na maradi. Ye ida tau gade dudu toe ya fafau aena bi biri rigamaka ma makai rebigida!

Galatia vene 6:6

Ye ya kaere ya rofu ago buni oteimaro, bi yi oteimana amiyesa beika buni tau gade anarauda reyaine.

Philippi vene 1:3

Ya rofu ari neinei mokegasa ya fafau nai Sei rofu buni tora gade maida;

Galatia vene 6:10

Mina dada kafu amedori, una yaku vegu buni amiye tau gade rofu renadi ma besa uni usika ourena kana, mokena vari gira aededi vene rofu makai.

2 Corinth vene 6:7

ago rama dudu, Sei di vava dudu, vana rama ma vana enana di mokena rorobo di iya rena gugura dudu;

Philippi vene 2:30

ini adina, bi Keriso di moimairi, iniye di vegu ya dada no moigi resi muyegika reyo, yi moimai na rofu rei vau de reyadi, mina na aedegika reyori.

Philippi vene 1:1

Mina bura bi na Paul ma Timothy gutuna, kaere bi Iesu Keriso di moimai rei tavoi resifa vene — Sei di vene tau gade Iesu Keriso ideri kaere bi Philippi ri amededi, ekalesia vene di ourefeidena vene ma ini naivo rededi venesa rofu: