Matthew 8:1 - Sei di Uka Ago Ruaka di Buka Bedakai

¹ Iesu omuna aveta gutuna deyori, amiye tau gade ina usi deyadi.

Matthew 8:1 Referans Kwoze

Matthew 8:18

Iesu amiye tau gade yaku ina buru risi deyadi mina vegasa ini usi dina vene rofu ago maro moka daidai tora berou eta rofu boi neyaganedi.

Matthew 4:25

Amiye tau gade Galilee, Decapolis (taoni 10), Jerusalem, Judea gagani, ma Jordan koru di berou eta rofu gutuna dadisi Iesu usi boyadi.

Luke 5:15

Idu Iesu yaku ini mina regamo sina bi urafo rei tora iniye reyo. Mina dada, amiye tau gade egogo regamadi, sina neidegi ma gauka moi buni riyainedi.

Mark 3:7

Iesu ma ini usi dina venesa feresi Galilee moka daidai torari diyadi, ma amiye tau gade ina usi boyadi. Mina vene bi Galilee eta rofu baeyadi; ka Judea rofu,

Matthew 20:29

Kamini Jericho feresi yakuyadiri, amiye tau gade usi boyadi.

Matthew 19:2

Ye amiye tau gade ina usi boyadi ma mironari moi buni riyo.

Matthew 15:30

Kamini amiye tau gade gade ina rofu baesi yuka no, ne taufa, yuka kevo, babo vene ma amiye be tau gade afei baesi ini yuka adinari aeyadi ma moi buni riyo.

Matthew 12:15

Idu Iesu ini nirorotari rena amutegasa mina sana feresi diyo ma amiye tau gade ina usi boyadi ma ini gauka tau gade moi buni rigamo;

Matthew 7:29

adina ini oteimana bi kaere vava nufa amiye kana, ma ago gira oteimana vene kana de.

Matthew 8:2

Idau refera amiye yokoi Iesu rofu bosi efuka meimigasa usa niyo, “Varika amiye, ya ura reisa vonisi, na moi ruaka rigiya.”