Matthew 3:9 - Sei di Uka Ago Ruaka di Buka Bedakai

⁹ Ma ya kaya nigi ga mokefa, ‘Abraham bi uni tutubena.’ Adina ya vene rofu nida, Sei ina diba mina fore dudu Abraham di tutubena rigo!

Matthew 3:9 Referans Kwoze

Luke 3:8

Mina dada, vegu no feresi moi etagae rina vegu di vegu iniye yabo meko rama rena kana moi ogau rifa. Ma ya kaya nigi ga kora refa, ‘Abraham bi uni tutubena.’ Adina ya vene rofu nida, Sei ina diba mina fore dudu Abraham di tutubena rigo!

John 8:33

Ma nikabai reyadi, “Una bi Abraham di tutubena vene, ma toga amiye yokoi rofu moimai rei tavoi de reyafa. Ye gokai nisa, ‘Ya erufugo’?”

Rome vene 4:1

Ye Abraham uni dava di tutubena yaku beika baku reyo mina fafau bi beika nigifa?

Moimai di vegu 13:26

“Nai usika ourena Israel vene, Abraham di tutubena vene, ma ya tutubena idana vene tau minari kaere bi Sei nivakededi: mina moi vegu rina sina bi una rofu nifeideyo!

Luke 16:24

Dada raka niyo, ‘Abraham, nai baba, na iriyeduka re! Lazarus nifeidegiya, ma ini vana metona dudu koru bi risi nai afiye moi amuta reyaine, adina na bi esika tora iniye mina ita ideri moida!’

John 8:53

Abraham uni baba kaere muyeyo bi tora; ye ya bi tora gade ba? Ma Sei di ago niyadi vene kaere ka muyeyadi ya bi ebu reisa ba? Ya mokeisa ya bi kaere?”

Luke 5:22

Idu Iesu ini mokena veifatesi niyo, “Beika resi makai yi ukari mokededi?

Mark 7:21

Adina amiye di uka ideri gutuna yakudedi bi mini: mokena no, mena de vene koa rena, duma duma rena, amiye umuyena, mena vene koa rena,

Moimai di vegu 15:14

Simon una nido mini, Sei yaku sena gokai tutubena idana vene mokesi ina vene rofu di amiye be moiyo ini vonisi.

Luke 19:40

Nikabai resi niyo, “Ya nida, bere nigedi vonisi, fore iniye raka nigedi.”

Luke 7:39

Kamini, Iesu raka niyo Pharisee amiye yaku mina veyori, bi ini uka ideri maka iniye niyo, “Mina amiye bi Sei di ago nido amiye vonisi, bi veyagadu mina bi gokai kana rema yaku avaka moido. Adina mina rema bi vegu no redo rema!”

Luke 12:17

Dada iniye mokesi niyo, ‘Gokai kamini regida? Iruku aena sana bi koina.’

John 8:37

Na diba ya bi Abraham di tutubena vene, idu ya na umuyegi maina rededi, adina nai ago yi uka ideri bi de.