Matthew 28:5 - Sei di Uka Ago Ruaka di Buka Bedakai

⁵ Idu Sei di naivo naivo vima yaku rema rofu niyo, “Ori ga refa, adina na na diba ya bi Iesu maina rededi, kaere bi satauro ikoko reyadi.

Matthew 28:5 Referans Kwoze

Hebrew vene 1:14

Ye ina bi naivo naivo vima, kaere bi moi vegu rina vegu moigedi vene dada naivo regi moi feideyo.

Luke 24:5

Ma ori resi ini seira kono rofu agu riyadiri, bi mina amiye remanu yaku nikabai reyadi, “Beika resi vegu amedo amiye bi muyena vene di fogori maina rededi?

Luke 1:30

Naivo naivo vima yaku niyo, “Mary, ori ga re, adina Sei bi sena ya rofu uka ada reyo.

Mark 16:6

Idu niyo, “Tururu ga refa, Iesu Nazareth amiye, kaere bi satauro ikoko reyadi, mina maina rededi. Ina bi dadi rae reyo! Bi minari de amedo. Ini aeyadi sana vefo.

Matthew 28:10

Mina usi niyo, “Ori ga refa; bosi nai usika ourena nigedi Galilee urana boyaganedi. Mironari mamo na vegedi.”

Matthew 14:27

Idu minari maka ina vene rofu niyo, “Uka gira nifa; na mini. Ori ga refa!”

Matthew 28:4

Nari rena vene bi tururu resi ori yaku no nisi muyena vene kana kita de reyadi.

Moimai di vegu 2:24

Idu Sei yaku muyenari gutuna moi dadisi muyena di esika esika rofu youneyo, adina muyena yaku moi gira regi anua rego.