Matthew 26:45 - Sei di Uka Ago Ruaka di Buka Bedakai

⁴⁵ Mina usi ini usi dina vene rofu dairisi niyo, “Ya bi besa sifere regasa varededi ba? Vefo, meda nemoko bi okiyo, ma Amiye di mida bi siri resi vegu no rena vene di vanari aegedi.

Matthew 26:45 Referans Kwoze

John 13:1

Ferei ebu rena irakuna okina koderi, Iesu diba niyo ini meda bi okiyo mina kono feresi ini Baba rofu bogi, ye metonari ini konori ameyadi vene uka maro.

John 17:1

Mina ago koina nigasa oma ne odoro rei vesi niyo, “Baba, meda nemoko bi okiyo mini; yi Mida di roka moi odoro ri kumo yi Mida yi roka moi odoro riyaine dada.

John 12:27

“Gua nai vima bi esika esika redo—ye beika nigida? ‘Baba, mina meda nemoko rofu na moi vegu rigiya’, vo nigida ba? Idu mina dada na bi mina meda nemoko rofu deyaka.

Luke 22:53

Ari neinei yasa Sei nivakena yavari amegamafari, bi de na moi gira reyadi. Idu gua bi yi ari—mukuna di vava ari.”

Matthew 26:18

Ma nikabai reyo, “Taoni ideri bosi mironari amiye yokoi oteimafo, ‘Oteimana amiye yaku niyo, Nai meda nemoko bi okiyo; nai usi dina venesa yi yavari Ferei ebu rena irakuna di iruku irigifa’ vo nifa.”

Matthew 26:2

“Ya ya diba meda remanu usi bi Ferei ebu rena irakuna vata nigo, ma Amiye di mida bi satauro ikoko regedi vene di vanari aegedi.”

Matthew 26:44

Ye dudusa ferei bosi ouresi usa usa nigamo kana dudusa usa usa niyo.

Matthew 26:46

Dadifo! Una bi dinadi! Ve nai siri rena amiye bi baedo mini!”

Mark 14:35

Kamini inaike etagae risi konori raudai regasa usa usa niyo, ye buni mirona meda nemoko bi ina rofu moi etagae riyaine.

John 12:23

Ye nikabai reyo, “Amiye di mida di roka moi odoro rigo di meda bi okiyo mini.