Matthew 25:34 - Sei di Uka Ago Ruaka di Buka Bedakai

³⁴ Mina usi Kini yaku ini vana rama vene rofu nigo, ‘Baefa, nai Baba yaku buni tora gade ya vene ya maro; Sei di ourefeidena amena sana di gugura moifa, goina bi oma ma kono rigamori ya dogo reyo.

Matthew 25:34 Referans Kwoze

James 2:5

Nai uka maida usika ourena nai ago neidefo. Sei yaku mina kono tora di irava vene mokena vari gira aenari, gugura tau kana ma ini ourefeidena amena sana di biyaguna kana bi auba reyo ba? Ye Sei yaku kaere amiye ina rofu uka madedi bi mina sana nitore reyo.

Niokuna sina 21:7

Ebu redo amiye yaku mina moigo ma ini Sei nigida ma nai mida nigo.

Niokuna sina 13:8

Konori amededi vene tau gade iniye yaku nivakegedi, kaere ini roka bi kono ma oma rina kode medari, Mamoe mida di vegu roka aena bukari de bura reyo. Mina Mamoe di mida bi amiye kaere umuyeyo.

Matthew 20:23

Ma niyo, “Na biyori irigida kana irigedi, idu nai vana rama rofu ma enana rofu ameinu rena di vava bi na yaku de ya magida. Mina bi kaere kaere nai Baba yaku ina rofu dogo reyo maka.”

Niokuna sina 17:8

Mina tuma dona nadina ya veyo bi sena vegu amegamo, idu gua bi amena de redo; kaira kono ruba moka torari gutuna yakusi moi no rena sanari bogo. Ma kono amededi vene, kaere oma ma kono rina koderi, vegu ameibobina bukari ini roka bura de reyo, ina yaku mina tuma dona nadina vesi tururu regedi, sena vegu amegamo, idu gua amena de redo ma gabi vegu amego dada.

Hebrew vene 4:3

Adina una kaere mokena vari gira aesifa bi ini asa moina sana dui reyafa, ina yaku niyo kana: “Nai gubuyo resi yomakai nitore reyaka: ‘Nai asa moina sana bi dui de regedi!’ ” Mina niyo, idu kono ma oma riyo medari, bi ini moimai rei vau reyo.

Luke 12:32

“Ya amiye tau ori ga refa, adina yi Baba bi ini ourefeidena amena sana ya rofu magi ada redo.

Hebrew vene 11:16

Idu kamini gagani burefe baku regi ura rededi; mina bi omari. Mina dada Sei yaku ini Sei kana raka nigi maena de reyo, adina taoni yokoi ina vene rofu dogo reyo dada.

1 Corinth vene 15:50

Ye nai usika ourena, na beika ago nida ini adina bi yomini: roaita ma dava nufa amiye bi Sei di ourefeidena amena sana moigi anua regedi, ma beika baika iko nigedi ka bi beika baika iko de nigedi bi de moigedi.

Matthew 25:41

“Mina usi ini vana enana vene rofu nigo, ‘Na rofu etagae rifa, ya kaere Sei bi nikiraini reyo; Bodaka ma ini naivo naivo vima rofu dogo reyo di toga toga vaido ita mokari nefa!

Niokuna sina 19:16

Ini varuka doba ma ini vadema fafau bi roka “kini vene di Kini ma varika vene di Varika amiye” bura reyo.

1 Corinth vene 2:9

Idu bura reyo kana: “Beika amiye yokoi di ne yaku vena de reyo ma anema yaku neidena de reyo, ma beika amiye di ukari mokena de reyo, mina bi beika Sei yaku ina uka madedi vene ina rofu dogo reyo.”

Matthew 25:21

Ma niyo, ‘Rei mona reyo; ya bi nai vana rama moimai rei tavoi reisa amiye buni! Beika keika ya maraka bi nari rei mona reyo dada, beika tau nari reyainedi ya magida. Baesi yi varika amiyesa ada regasa amebi!’

Matthew 19:29

Ma kaere ini yava o usika ourena, o nono baba, o mida, o kono nai roka dada fereyadi, bi tau 100 kana besa ma toga toga ameibobina vegu moigo.

Matthew 13:35

Ye beika Sei di ago niyo amiye yaku niyo bi rama aeyo: “Na bi mokena ago dudu ago nigida; Na yaku kono riyori gutuna sui niyadi beika baika bi niokugida.”

1 Peter 3:9

Ya rofu vegu no regori dairi, vegu no ga refa, o ya kovai nigori, dairi kovai ga nifa. Makai bi de, idu buni tora gade dairi mafa, ini adina Sei yaku mina dada ya raka niyo, ye buni tora gade magedi dada.

2 Timothy 2:12

Una are rei gira regifa vonisi, bi inasa ka ourefeidegifa. Una yaku de buda aegifa, ina ka de una buda aego.

Galatia vene 5:21

uka no, koru gira irina vegu, vegu no dudu pati rena, ma mina kana vegu bouna. Ye sena ya niyaka dudusa nida, kaere mina kana vegu redo amiye Sei di ourefeidena amena sana de baku rego.

1 Corinth vene 6:9

Ya ya diba ba ide mokena vari gira de aededi vene yaku Sei di ourefeidena amena sana de moigedi? Ya kaya ya kaya ga eru rebifa; kaere ina bi koa rededi, o ofa sei nivakededi, o meyadi vene kana bi koa rededi, o rumana vene bi rumana vene idanasa ini roaita rau rededi, o rumana vene bi rumana venesa koa rededi,

Luke 19:38

Yomakai nigamadi, “Sei buni tora gade mado kini kaere Varika amiye di rokari baedo! Uka amuta ma Sei di vabara oma odoro iniyeri ameyaine!”

Matthew 5:19

Kaere amiye yaku mina ago gira di ago keika keika yokoi obe resi amiye be ka, ina yaku reyo kana, reyaganedi oteimago bi, Sei yaku ini ourefeidena amena sana omari bi moi keika rigo, idu kaere amiye yaku mina ago gira neidesi amiye be ka oteimabigo, bi Sei yaku ka ini ourefeidena amena sana omari ka ina moi odoro rigo.

Matthew 3:2

“Yi vegu no feresi moi etagae rifa, adina Sei ini vava nufa omari ourefeidena amena sana bi negau niyo!”

Niokuna sina 5:10

Ya uni Sei rofu ini ourefeidena amena sana vene ma Sei ma amiye utari naivo vene riyo, ye konori ourefeidegedi.”

1 Peter 1:9

adina yi mokena vari gira aededi di obini bi yi vima moi vegu rigika.

Hebrew vene 9:26

Makai reyo vonisi, ini adina bi senagi kono ma oma riyo gutuna uru tauri esika esika moibiyagadu kumo. Idu bi meda yokoi makari, meda di metonari iniye ini vegu manari, vegu no koite makugi amiye tau gade rofu ogau niyo.

2 Timothy 4:8

Sena mokena rorobo di obini na rofu ae torekai reyo, goina bi Varika amiye, mokena rorobo nufa kota redo amiye, yaku mirona medari na mago—na maka de, idu kaere kaere yaku uka mana dudu, ini ogau nigo meda tua regamadi ka obini moigedi.

1 Thessalonica vene 2:12

Sei di ukari ina rofu, yi vegu buni niyainedi ya egira regamafa, kaere bi ya raka nido, ini ourefeidena amena sana ma ini vabara ideri dui reyagane.

Rome vene 8:17

Ye una bi ini mida mida vonisi, bi biyaguna kana Sei di beika baika Keriso sa moigifa; una ka ini vabara inasa moigi inasa esika guraugifa vonisi.

Moimai di vegu 15:18

Varika amiye bi makai niyo, kaere bi senagi senagi mina ninegau reyo.’ ”

Moimai di vegu 3:26

Makai dada Sei yaku ini Naivo amiye vonisi ya vene rofu siko nifeideyo buni tora gade masi yi vegu no gutuna moi etagae rigi.”

John 19:15

Idu imuna niyadi, “Afei bosi satauro ikoko re!” Ye nikaiteyo, “Na bi yi kini satauro ikoko regida ba?” Ye Sei ma amiye utari naivo vene di varika vene nikabai reyadi, “Uni kini bi Caesar maka!”

John 12:13

Resi vatoru iye moisi baku regika nesi raka niyadi, “Sei di roka moi odoro ri! Sei yaku buni tora gade maro, kaere bi Varika amiye di rokari baedo; mina bi Israel di kini!”

John 1:49

Ma nikabai reyo, “Oteimana amiye, ya bi Sei di mida; ya bi Israel di Kini!”

Luke 11:28

Idu nikabai resi niyo, “Rama, idu kaere Sei di ago neidededi, bi buni tora gade moidedi!”

Mark 10:40

Idu nai vana rama rofu o enana rofu ameinu rena di vava bi na yaku de ya magida, idu mina bi kaere kaere dogo reyo vene di.”

Matthew 27:37

Ini ada odorori bi ini no nikake regi bi yomakai bura reyadi: “Mina bi Iesu, Jew vene di kini.”

Matthew 25:23

Ma niyo, ‘Rei mona reyo; ya bi nai vana rama rena moimai rei tavoi reisa amiye buni! Beika keika ya maraka bi nari rei mona reyo mini; na yaku beika tau ourefeideyainedi ya magida. Baesi yi varika amiyesa ada regasa amebi!’

Matthew 21:5

“Zion di vefa nifa, Vefa, yi kini ya rofu baedo! Ave nisi donkey fafau ma ini rumana mida fafau amesi baedo mini.”

Ephesus vene 5:5

Adina mina vei mona resi diba nidedi, koa redo amiye, vegu no nufa amiye o moke moke moigo amiye neinei, kaere bi ofa sei nivakedo, ina bi Keriso ma Sei di ourefeidena amena sanari biyaguna de nigo.

Matthew 25:40

Ye Kini yaku nikabai rego, ‘Rama iniye ya nida, nai usika ourena yokoi roka de amiye rofu reyadi kana, ya bi na rofu reyadi mini!’

Mark 10:17

Kamini bi ida nana regamori, amiye yokoi raga bosi ini budari efuka meimisi usa niyo, “Oteimana amiye buni, beika regida bi toga toga ameibobina vegu moigida?”

Luke 11:50

Dada Sei yaku kono riyo medari gutuna kaere Sei di ago niyadi vene tau gade umuyeyadi, gua amededi vene bi ini kaunava baku regedi:

John 17:24

“Baba, na ura reida kaere na maro vene, bi goidu ameida sanari nasa ka amegedi, ye vabara na maro veibiyaganedi, senagi kono rina koderi na uka maro dada.

Hebrew vene 1:14

Ye ina bi naivo naivo vima, kaere bi moi vegu rina vegu moigedi vene dada naivo regi moi feideyo.