Matthew 25:21 - Sei di Uka Ago Ruaka di Buka Bedakai

²¹ Ma niyo, ‘Rei mona reyo; ya bi nai vana rama moimai rei tavoi reisa amiye buni! Beika keika ya maraka bi nari rei mona reyo dada, beika tau nari reyainedi ya magida. Baesi yi varika amiyesa ada regasa amebi!’

Matthew 25:21 Referans Kwoze

Matthew 25:23

Ma niyo, ‘Rei mona reyo; ya bi nai vana rama rena moimai rei tavoi reisa amiye buni! Beika keika ya maraka bi nari rei mona reyo mini; na yaku beika tau ourefeideyainedi ya magida. Baesi yi varika amiyesa ada regasa amebi!’

Luke 16:10

Kaere amiye yaku beika keika keika rofu nari rei mona rego, ina bi beika tora ka nari rei mona rego. Idu beika keika keika ofa ofa dudu nari rego amiye, bi beika tora rofu ka ofa ofa dudu de nari rego.

John 12:26

Amiye yokoi na rofu naivo rego vonisi, bi na usi baeyaine; ma goina sanari amegida, ina ka amego. Amiye yokoi na rofu naivo rego vonisi, nai Baba yaku moi kikifa rego.

2 Timothy 2:12

Una are rei gira regifa vonisi, bi inasa ka ourefeidegifa. Una yaku de buda aegifa, ina ka de una buda aego.

Niokuna sina 3:21

Ebu redo amiye nai ourefeidena amena fata odorori nasa amegi di vava magida, na ka ebu resi nai Baba di ourefeidena amena fata odorori inasa ameyaka kana.

John 14:3

Ma bosi yi amena sana dogo regidari, usi bi dudusa dairi desi nasa ya afei bogida, ye na yaku goinari amegida sanari ya vene ka mironari amegedi.

John 17:24

“Baba, na ura reida kaere na maro vene, bi goidu ameida sanari nasa ka amegedi, ye vabara na maro veibiyaganedi, senagi kono rina koderi na uka maro dada.

Niokuna sina 2:10

Beika baika dada esika esika moigi rofu bi ori ga refa. Neidefa, yi uka maina regika Bodaka yaku ya bedakai dibura yavari ya aego ma meda 10 ri toe moigedi. Gokai muyena tumu nigo, idu na rofu are rei gira re ma na yaku vegu ameibobina di obini ya magida.

Matthew 24:45

“Ye kaere bi vegu rama resi mokena tora nufa moimai rei tavoi redo amiye ini varika amiye yaku vava maro, ini yava nari regi moimai rei tavoi rededi vene di iruku ini meda ramari rau rego.

Philippi vene 1:23

Ye na rofu bi gira nido, mina remanu di utari goina ere bi auba regida. Na ura reida mina vegu feresi Keriso sa amegida, goina bi toga buni iniye;

Niokuna sina 7:17

adina Mamoe mida, kaere bi ourefeidena amena fata tobori ameinu redo, bi mamoe dogo redo amiye kana, ina vene nari resi furu furu rena vegu ameibobina koru rofu ourefeidego ma Sei yaku ini nemokori ne koru noibanu moi ugago.”

Rome vene 2:29

Idu Jew amiye rama bi makai ini ideri, ma ini roaita nugana bi uka meko di, Vima dudu, vana yaku bura rena ago gira dudu de. Ma amiye ini roka moi odoro rina bi de, idu Sei rofu.

Luke 12:44

Rama ya nida, bi vava mago, dada ini beika baika tau nari rego.

Matthew 25:46

Ye mina vene toga toga esika esika moina sanari digedi, idu mokena rorobo vene bi toga toga ameibobina vegu di sanari digedi.”

Matthew 24:47

Rama ya nida, bi vava mago, dada ini beika baika tau nari rego.

Niokuna sina 21:7

Ebu redo amiye yaku mina moigo ma ini Sei nigida ma nai mida nigo.

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.

2 Corinth vene 10:18

Adina bi diya amiye kaere inaike nimado bi Sei yaku nimago, idu bi kaere amiye Varika amiye nimago mini.

1 Corinth vene 4:5

Mina dada, mina meda koderi, Varika amiye di dena koderi, kota ga refa. Mina medari, Varika amiye yaku beika baika mukunari sui niyadi bi vabara moi baesi amiye di uka di mokena moi ogau rigo. Kamini amiye neinei ini roka tora Sei gutuna moigo.

2 Corinth vene 5:9

Mina dada, una bi inasa rauturi ba gaima gutunari amegifa vonisi, ini uka moi ada regika ura resifa.

1 Timothy 3:13

Adina kaere yaku dubu di naivo rededi vene kana naivo rei mona rededi, bi amiye bi ina rofu ne matagini rededi ma mokena vari gira Iesu Keriso rofu aena di mokena buni tora moidedi.