Matthew 25:12 - Sei di Uka Ago Ruaka di Buka Bedakai

¹² Idu nikabai resi niyo, ‘Rama ya nida, na na toto ya.’

Matthew 25:12 Referans Kwoze

1 Corinth vene 8:3

Idu amiye yokoi Sei uka mago vonisi, bi Sei yaku ina diba nigo.

2 Timothy 2:19

Idu Sei di gado variyo bi gira ma are rei gigitani reyo, ma ina fafau yomina ago bura reyo: “Varika amiye bi ina diba kaere bi ini,” ma “Amiye tau noibanu kaere bi Varika amiye di roka niokudedi, bi mokena rorobo de ferei etagae riyagane.”

John 10:27

Nai mamoe bi nai goroka neidededi; na ina vene diba ma na usi didedi.

John 9:31

Una una diba Sei bi vegu no rededi vene di ago neidena de redo, idu amiye yokoi Sei nivakesi ini ura regi rego vonisi, Sei bi ini ago neidego.

Galatia vene 4:9

Idu gua bi Sei diba niyadi—o yomakai nigida, Sei bi ya diba niyo—ye gokai resi ofa sei ma yeiva de vima ma irava vegu rofu dairisi dudusa ini moimai rei tavoi rena vene ura reyadi?

Matthew 25:11

“Mina usi mokena keika rema vene ka baesi niyadi, ‘Varika amiye, ida vena una rofu moi eke!’

Matthew 25:13

“Mina dada nari refa, adina ya ya toto mina meda o mina meda nemoko bi.

Luke 13:25

Yava amiye yaku dadisi yava ida vena kebi rigo, ma ya bi etofarori are resi raka nisi nigedi, ‘Varika amiye, ida vena una rofu moi eke!’ Idu nikabai resi nigo, ‘Na na toto ya goinari gutuna okiyadi!’