Matthew 24:27 - Sei di Uka Ago Ruaka di Buka Bedakai

²⁷ Idu Amiye di mida bi sui dudu de dego. Adina ini dena bi ayena yaku kamanika redori meda dadido eta rofu vabara ni bodo meda nedo eta rofu kana.

Matthew 24:27 Referans Kwoze

2 Peter 3:4

ya nikaitegedi, “Ina bi dairigo di ya nitore reyo ba? Ina bi goini? Uni tutubena vene bi sena muyeyadi, idu oma ma kono riyori, ini beika tau bi ini amedo kana ini sanari mini!”

James 5:8

Ya kaya ka toro resi yi uka egira refa, Varika amiye di dego meda bi negau nido dada.

Matthew 24:39

ye vei mama de reyadi beika vata niyo bi, boyo mina abata yaku desi ina tau vakoi moi diyo mamo. Mina bi Amiye di mida degori ini gokai vata nigo.

Matthew 24:37

Adina Noah di medari reyadi kana, Amiye di mida dena medari ka makai regedi.

Matthew 16:28

Rama ya nida, ya bedakai minari bi de muyegedi bogo Amiye di mida Sei di ourefeidena amena sana nufa dego mina vegedi mamo.”

Matthew 24:3

Kamini Iesu bi Olive yabo omuna ikari amegamori, ini usi dina vene sui dudu ina rofu bosi nikaiteyadi, “Una ni, mina bi goivaka vata nigedi? Ma yi dairina ma meda bae koina nigo di rebe bi beika?”

Matthew 8:20

Ma nikabai resi niyo, “Sufa auna bi ini fore ruba nufa ma erena odoro didedi bi ini buri nufa, idu Amiye di mida bi ini ada aesi raudai rena sana bi koina.”

Matthew 16:27

Ini adina Amiye di mida bi ini naivo naivo vima tausa ini Baba di vabarari desi amiye neinei ini beika reyadi kana ini obini mago.

Matthew 24:26

“Ye, amiye yaku ya nigedi, ‘Vefa, ina bi gagani autu sanari amedo!’—mironari ga nefa; o nigedi, ‘Vefa, ina bi sui nina sana daiyuturi amedo!’—ini ago rofu mokena vari gira ga aefa.

Matthew 24:44

Mina ye, ya ka toro dudu amefa, adina Amiye di mida bi mokena de rededi meda nemokori baego.