Matthew 21:4 - Sei di Uka Ago Ruaka di Buka Bedakai

⁴ Mina vata niyo, bi beika Sei di ago niyo amiye yaku niyo bi bae rama aeyo:

Matthew 21:4 Referans Kwoze

John 12:15

“Zion di vefa, ori ga re! Ve kumo yi kini baegasa donkey mida fafau keu rido.”

Matthew 1:22

Mina tau vakoi vata niyadi bi beika Varika amiye yaku ini ago niyo amiye rofu niyo bi rama aegi:

Matthew 26:56

Idu mina beika tau bi vata niyadi, ye beika Sei di ago niyadi vene yaku bura reyadi bi bae rama aeyainedi.” Mina usi ini usi dina vene tau vakoi bi feresi ori diyadi.

Matthew 21:3

Ye amiye yokoi yaku ago ya nigo vonisi, bi nifa, ‘Varika amiye yaku ura redo’; ma minari evade nifeidego.”

Mark 11:7

Ma donkey di mida Iesu rofu moi baesi ini bou varuka fafau youyadi ma Iesu keu riyo.

Luke 19:35

Resi Iesu rofu moi baesi ini bou varuka fafau yousi Iesu odorori aeyadi.

John 12:12

Meda yokoi uveyori, amiye tau tora irakuna rofu okisi neideyadi Iesu bi Jerusalem urana baedo.