Matthew 21:31 - Sei di Uka Ago Ruaka di Buka Bedakai

³¹ Goina bi ini baba di ura reyo?” Ina vene yaku nikabai reyadi, “Ourena yaku.” Dada Iesu yaku ina vene rofu niyo, “Rama ya nida, fore butu rededi vene ma koa rededi vene yaku siko Sei di ourefeidena amena sanari dui regedi ma ya bi gabi.

Matthew 21:31 Referans Kwoze

Luke 7:29

Amiye tau vakoi ma fore butu rededi vene ka mina sina neideyadiri, bi Sei di vegu bi rama vo niyadi, adina bi John yaku babatiso reyo dada.

Matthew 7:21

“Amiye tau kaere na rofu ‘Varika amiye’ vo nidedi, bi Sei di ourefeidena amena sana omari de dui regedi, idu nai Baba kaere bi omari amedo di mokedo vegu rededi vene maka dui regedi.

2 Peter 3:9

Varika amiye ini beika nitore reyo bi saka de rego, bedakai di mokena kana de. Idu ina bi ya dada kiya kiya nari redo, ini adina bi ura de iniye redo yokoi ga muyeyainedi, idu bi amiye tau gade yaku vegu no feresi moi etagae riyaganedi.

Rome vene 5:20

Idu ago gira bi obe rena vegu tora nigi moi dui reyo, ye goinari vegu no rena tora niyo, buni tora gade ka besa tora ni vau reyo.

Rome vene 3:19

Gua una diba beika ago gira yaku nido, bi kaere ago gira di vava gabireri amedo ina rofu nido, ye vena biri risi ago nina de, ma kono tora noibanu di vene tau bi Sei di nemokori ini vegu dada kota regi are reyaganedi.

Matthew 20:16

“Ye gabi vene bi ouregedi, ma ourededi vene bi gabi nigedi.”

Moimai di vegu 17:30

Sei yaku mina meda amiye bi ina toto bi mokei vava ide regamo, idu gua bi gagani amiye tau rofu nido, ‘Yi vegu no feresi moi etagae rifo.’

Luke 19:22

Ma nikabai reyo, ‘Ya kaya yi sina niyo dudu ya kota regida. Ya bi amei tavoi resi moimai rei tavoi reisa amiye no! Ya diba niyo na bi amiye gira, beika banikari de aeyaka, bi moida, ma beika de variyaka, bi goesi moida.

Luke 15:10

Mina ida kana dudu ya nida, Sei di naivo naivo vima bi ada regedi amiye yokoi maka ini vegu no feresi moi etagae rido dada.”

Matthew 18:3

niyo, “Rama ya nida, ya bi diya vegu no gedu masi mida keika kana nigedi vonisi, bi toga Sei di ourefeidena amena sana omari dui de regedi.

Matthew 12:50

Adina kaere nai Baba omari amedo amiye di mokenari rego, bi nai dubuini, nai tobaini ma nai nono.”

Matthew 9:9

Ma Iesu mironari gutuna bogamori, amiye yokoi ini roka Matthew, fore butu rena ofesiri vesi niyo, “Na usi bae.” Ma dadisi usi diyo.

Matthew 6:5

“Sei rofu usa usa nibigediri, bi ofarosi vene kana ga refa, adina ini mokena bi usa usa yavari ma ida teukana neineiri are resi usa usa nibigediri amiye yaku veyaganedi. Rama iniye ya nida, ini obini bi kamini moiyadi.

Matthew 5:18

Rama ya nida, oma ma kono bi roro nigedi, idu ago girari bura keika kuni kuni yokoi kava ma tuta yokoi de roro nigedi bogo mina vegu tau vakoi rama aegedi mamo.

Matthew 5:46

Ye ya rofu uka madedi vene maka ina rofu uka magedi vonisi, bi ini buni gabi bi beika moigedi? Ye fore moidedi vene ka mina vegu rededi ba?

Matthew 21:30

Mina usi ini mida yokoi rofu nesi ouresi niyo kana niyo. Ma nikabai reyo, ‘Baba, negida,’ idu nena de reyo.

John 3:3

Ma nikabai reyo, “Rama iniye ya nida: amiye yokoi yaku Sei di ourefeidena amena sana bi de vego, idu ina bi dudusa vata nigo mamo.”

John 3:5

Ma nikabai reyo, “Rama iniye ya nida, amiye yokoi yaku Sei di ourefeidena amena sana bi de dui rego bogo ina bi koru ma Vima dudu vata nigo mamo.