Matthew 21:28 - Sei di Uka Ago Ruaka di Buka Bedakai

²⁸ “Ya beika mokededi? Amiye yokoi bi ini mida remanusa amegamadi. Ini ourena mida nesi niyo, ‘Gua nesi waini meko murori moimai re.’

Matthew 21:28 Referans Kwoze

1 Corinth vene 15:58

Mina resi nai uka maida usika ourena, are rei gira resi etagae ga risi Varika amiye di moimairi toga rei mona mona refa, ya ya diba yi moimai Varika amiye dada, bi rei tavoi de rededi dada.

1 Corinth vene 10:15

Na bi diba nina nufa vene kana ya rofu ago nida; nai ago dada mokei mona refa.

Matthew 20:1

“Adina Sei di ourefeidena amena sana omari bi kono amiye yokoi kana, kaere uriyaku niyori ini waini meko muro rofu amiye moimai reyaganedi moigi boyo.

Mark 13:34

Mina bi amiye yokoi yava ika oto dina kana: Ini yava feresi ini moimai rei tavoi rededi vene vanari aesi ina yokoi yokoi ini moimai neinei mago. Ye yava ida vena nari rego amiye maka bi nioteimago, nemoko kikigasa amego.

Luke 13:4

Ma mirona amiye 18 Siloam ri yava doba ina fafau yaresi emuyeyo bi gokai? Ya yaku mokededi mina yaku nido, bi ini vegu no bi Jerusalem ri amededi vene tau ebu reyo ba?

Matthew 21:33

“Mokena ago yokoi neidefo: Yava biyaguna amiye yokoi bi waini meko muro varisi kota mina buru risi waini meko itei rina di kono ruba goesi ota rina vene di fata risi muro nari rena vene be ini nanaka moigika nimasi yava ika oto diyo.

Matthew 17:25

Ina yaku niyo, “Yo.” Peter yava ideri baeyori, Iesu ina siko ago niyo, “Simon beika mokeisa? Kono di kini bi ini davana ma takesi bi kaere rofu butu ridedi—iniye di ini amiye rofu ba amiye bedakai rofu?”

Matthew 22:17

Mina dada una ni, yi mokena bi beika? Caesar rofu takesi fore fei rena bi uni ago gira rofu rorobo ba ide?”

Matthew 21:27

Ye nikabai reyadi, “Una una toto.” Ma niyo, “Na yaku ka makai de ya nigida na bi beika vava dudu mina vegu reida bi.

Matthew 21:29

Idu nikabai reyo, ‘Na ura de reida,’ idu gabi ini mokena kero resi neyo.