Matthew 20:21 - Sei di Uka Ago Ruaka di Buka Bedakai

²¹ Ma nikaiteyo, “Ya ura reisa bi beika?” Nikabai reyo, “Nai mida remanu bi yi ourefeidena amena sanari yokoi bi yi vana rama rofu ameinu reyaine ma yokoi bi enana rofu ameinu reyaine.”

Matthew 20:21 Referans Kwoze

Matthew 19:28

Ma Iesu yaku ina vene rofu niyo, “Rama ya nida, kono beika tau moi ruaka rigedi medari, Amiye di mida ini vabara di ourefeidena amena fata fafau ameinu regori, ya kaere na usi diyadi ka makai ourefeidena amena fata 12 fafau ameinu resi Israel vene di rubu 12 ourefeidegedi.

Matthew 18:1

Mina meda nemokori, Iesu ini usi dina vene baesi nikaiteyadi, “Sei di ourefeidena amena sana omari kaere bi tora iniye?”

Moimai di vegu 1:6

Ma nifeidena vene yaku Iesu sa egogo regasa nikaitegamadi, “Varika amiye, gua yomina medari Israel vene vava magiya ma ini gagani dudusa ourefeidegedi ba?”

Mark 6:22

Herodias di vefa dui resi adena usi Herod di okiyadi venesa di uka moi ada reyo. Ye kini yaku mina rema ofi niyo, “Ya ura beika ya magida? Yi beika ura regiya bi ya magida.”

Matthew 20:32

Ye Iesu are resi raka nisi niyo, “Ya ura rededi bi na yaku beika ya rofu regida?”

Colossae vene 3:1

Keriso sa dadi rae reyadi dada, beika baika odoro amededi mina maina refa, goina sanari Keriso yaku Sei di vana rama eta rofu ameinu redo.

Rome vene 12:10

Ya iniye iniye usika ourena kana uka mafa. Ya kaya ya kaya moi akeke resi ya kaya ya kaya kikifa refa.

John 15:7

Na ideri amegedi ma nai ago yi ideri amego vonisi, ya ura rededi kana usa usa nifa, ye ya rofu rego.

Luke 22:24

Resi ini usi dina vene iniye kayamo reyadi kaere bi ini mokenari tora iniye.

Luke 19:11

Mina sina neidegamadiri, bi yavoi resi mokena ago niyo, adina ina bi Jerusalem atafu okiyo, ma amiye yaku mokegamadi bi Sei di ourefeidena amena sana bi minari evade maka ogau nigo.

Luke 18:41

“Ya ura reisa bi beika ya rofu regida?” Nikabai resi niyo, “Varika amiye, na ura reida bi dudusa gagani vegida.”

Mark 10:51

Iesu yaku nikaiteyo, “Ya ura reisa bi beika ya rofu regida?” “Oteimana amiye, na ura reida bi dudusa gagani vegida.”

Rome vene 8:34

Kaere nifafana reyo? Iesu Keriso bi muyeyo, ma besa ka moi dadi rae reyo; ina bi Sei di vana rama eta rofu ameinu reyo. Rama bi una rofu ka guyaguya nido!

Mark 16:19

Kamini Iesu Varika amiye ina vene rofu ago nioteimaro, gabi rofu bi Sei yaku omari afei boyo ma Sei di vana ramari ameyo.

Matthew 20:22

Idu Iesu yaku nikabai reyo, “Ya beika usa nidedi bi ya ya toto. Na biyori irigida mina kana regedi ba?” Ye nikabai reyadi, “Mina bi buni regifa.”