Matthew 20:20 - Sei di Uka Ago Ruaka di Buka Bedakai

²⁰ Kamini Zebedee di mida di nono ini midasa Iesu rofu baeyadi ma ini budari efuka meimisi ini beika ura rededi usa niyo.

Matthew 20:20 Referans Kwoze

Matthew 8:2

Idau refera amiye yokoi Iesu rofu bosi efuka meimigasa usa niyo, “Varika amiye, ya ura reisa vonisi, na moi ruaka rigiya.”

Matthew 4:21

Minari bogasa bi uba dubuisa James ma John, Zebedee di mida veyo. Ina yaku ini babasa bouti fafau fate veika regamadi. Iesu yaku raka niyori,

Matthew 27:56

Ini fogori bi Mary Magdalene, Mary, James ma Joseph di nono, ma Zebedee di mida mida di nono.

Mark 15:40

Ma rema bedakai ka bi gaima gutuna are resi vegamadi. Ini fogori bi Mary Magdalene, Mary, kaere bi usika James ma Joseph di nono, ma Salome.

Matthew 2:11

Ye yava ideri dui resi mina mida ini nono Mary sa vegasa efuka meimisi nivakeyadi. Resi ini magedi gugura, goro, sisika buni yabo ena roka frankincense, ma sisika buni yabo ena di muramura roka myrrh ini maua gutuna moi yakusi maradi.

Matthew 28:17

Ina veyadiri, bi nivakeyadi, idu be bi mokei itua reyadi.

Matthew 15:25

Idu mina rema baesi ini budari nivakesi niyo, “Varika amiye, na aede!”

Matthew 14:33

Ye kaere kaere boutiri ameyadi yaku ina nivakesi niyadi, “Rama ya bi Sei di mida!”

Matthew 10:2

Ye mina nifeidena vene 12 di roka roka bi: ouresi bi Simon (ini roka yokoi bi Peter) ma ini usika Andrew; Zebedee di mida mida James ma ini dubuini John;