Matthew 18:12 - Sei di Uka Ago Ruaka di Buka Bedakai

¹² “Ya beika mokededi bi buni? Amiye yokoi ini mamoe 100 nufa vonisi, ma yokoi bi feresi digo, ina bi mina 99 omuna ikau feresi mina yokoi maka boiyo reyo maina de digo ba?

Matthew 18:12 Referans Kwoze

1 Peter 2:25

Adina ya bi mamoe kana ini dina ida mina moi rerevaida nigamadi. Idu gua ya bi mamoe dogo redo ma vima buni ourefeidena amiye dairisi usi didedi.

Matthew 12:11

Kamini niyo, “Ya kaere yi mamoe yokoi maka nufa Sabati medari kono rubari keto rei nego vonisi, bi moi yakugiya ba ide?

Matthew 21:28

“Ya beika mokededi? Amiye yokoi bi ini mida remanusa amegamadi. Ini ourena mida nesi niyo, ‘Gua nesi waini meko murori moimai re.’

1 Corinth vene 10:15

Na bi diba nina nufa vene kana ya rofu ago nida; nai ago dada mokei mona refa.

Matthew 22:42

niyo, “Keriso rofu bi beika mokededi bi rama? Ina bi kaere di tutubena?” Ye nikabai reyadi, “Ina bi David di tutubena.”

Matthew 18:13

Rama ya nida, mina baku rego vonisi, bi mina 99 de diyadi rofu ada de rego, idu mina yokoi maka rofu ini ada rego bi tora iniye.