Matthew 13:15 - Sei di Uka Ago Ruaka di Buka Bedakai

¹⁵ ini adina mina vene di uka bi gira iniye, ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’

Matthew 13:15 Referans Kwoze

Mark 4:12

ye yomakai, ‘Vededi, idu vei mama de rededi; ma neidededi, idu diba de nidedi. Regedi vonisi, bi Sei rofu kero regedi, ma ini vegu no koite makugo.’ ”

Hebrew vene 5:11

Mina dada beika baika bi ago tau gade nigifa, idu ni-itara regi bi gira, yi neide neide rofu bi taotao dada.

2 Timothy 4:4

Resi ina vene bi ago rama rofu ini anema moi etae risi sisina di sina tavoi tavoi neidebigedi.

Moimai di vegu 7:57

Ye kanisoro vene goroka tora dudu ababa nisi ini vana dudu ini anema fafa riyadi. Resi bi ina tau vakoi minari Stephen rofu gogo raga boyadi.

Niokuna sina 22:2

Taoni di ida tobori iyana reyo, ma ini eta berou berou rofu, bi vegu amena di yabo ini meko bouna bouna 12 nufa are reyo. Ina bi eyo neinei ini rama meko varego. Mina yabo di iye bi gagani gagani vene di moi buni rina rofu.

Moimai di vegu 3:19

Mina dada vegu no feresi moi etagae risi yi uka Sei rofu kero refa, ina yaku yi vegu no koite makugo dada.

Luke 19:42

Resi niyo, “Gokai uka amuta nina di vegu gua medari ya diba niyagadu! Idu gua bi de veifategedi!

Moimai di vegu 28:27

ini adina mina vene di uka bi gira iniye; ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’ ”