Mark 9:1 - Sei di Uka Ago Ruaka di Buka Bedakai

¹ Kamini ina rofu niyo, “Rama ya nida, ya bedakai minari bi de muyegedi, idu bi Sei di ourefeidena amena sana ini vava nufa dego vegedi.”

Mark 9:1 Referans Kwoze

Luke 9:27

Idu rama ya nida, ya bedakai minari bi de muyegedi, idu Sei di ourefeidena amena sana dego vegedi.”

Hebrew vene 2:9

Idu amiye yokoi kaere neituari, Sei di naivo naivo vima di vava gabireri aeyo ini roka bi Iesu; ini esika esika mana ma muyena dada, vabara ma kikifa dudu, kini kana ada bou mado ma mina vesifa. Ye Sei di buni tora gade dudu amiye noibanu rofu muyeyo dada.

Luke 22:30

Makai reyaka dada, ya bi nai teiborori ourefeidena amena sanari amesi nasa iruku ma koru irisi ya ka ourefeidena amena fata ameinu resi Israel vene di rubu 12 ourefeidegedi.”

Mark 13:30

Rama ya nida, gua ari amededi vene bi muyei vau regedi koderi, bogo mina beika baika tau gade vata nigedi mamo.

Matthew 25:31

“Ma Amiye di mida ini naivo naivo vima tausa ini vabara nufa degori, ina bi ini vabara di ourefeidena amena fata fafau ameinu rego.

Luke 22:18

Adina ya nida, na bi gua rofu mina waini meko de irigida bogo Sei di ourefeidena amena sana okigo mamo.”

Luke 2:26

Vima kikifa yaku ka ina rofu niyo, ina bi de muyego bogo Varika amiye ini Keriso vego mamo.

Mark 13:26

Mina usi amiye yaku Amiye di mida seuyari vava ma vabara tora nufa debigo bi vegedi.

Matthew 24:30

Mina usi Amiye di mida di rebe omari ogau nigo; ma Amiye di mida oma di seuya odoro vava ma vabara tora nufa debigori, gagani gagani di vene tau yaku ina vegasa isaka nigedi.

Matthew 16:28

Rama ya nida, ya bedakai minari bi de muyegedi bogo Amiye di mida Sei di ourefeidena amena sana nufa dego mina vegedi mamo.”

John 21:23

Ye usika ourena vene fogori sina yokoi vai resi niyadi mina usi dina amiye bi de muyego; idu Iesu bi diya muyego ina rofu de niyo, idu, “Vegu ameibobigo bogo na baegida mamo mina ura regida vonisi, bi ya rofu bi gokai?”