Mark 8:6 - Sei di Uka Ago Ruaka di Buka Bedakai

⁶ Ye amiye tau gade konori ameinu reyagane vo niyo. Resi bi beredi bado 7 moisi buni tora gade Sei rofu masi beredi okusi ini usi dina vene maro amiye tau gade rau regedi dada, resi makai reyadi.

Mark 8:6 Referans Kwoze

Colossae vene 3:17

Resi ago nina o reremama rena, beika tau noibanu regasa Varika amiye Iesu di roka dudu resi ina dudu buni tora gade Baba Sei rofu mabifa.

Rome vene 14:6

Amiye kaere meda yokoi moi kikifa redo, Varika amiye di kikifa rofu redo. Amiye kaere iruku irido, Varika amiye di kikifa rofu irido, buni tora gade Sei rofu mado dada; ye amiye kaere iruku deda de irido, Varika amiye di kikifa rofu dada de irisi buni tora gade Sei rofu mado.

John 6:23

Tiberias gutuna bouti be bi Varika amiye buni tora gade Sei rofu maro ma ini beredi iriyadi sana atafuri utae riyadi.

John 2:5

Idu ini nono yaku naivo rededi vene rofu niyo, “Ya rofu beika nigo bi refa.”

Luke 24:30

Ina regode iruku irigi ameinu reyadiri, bi Iesu yaku beredi moisi buni tora gade masi bi okusi ina remanu maro.

Luke 12:37

Mina kana vene rofu bi buni tora gade iniye, adina bi ini varika amiye dairigori, bi varena de, ina rofu toro regasa nari amededi dada! Ya vene rofu nida, dadisi ini varika amiye raka nisi moimai regika ini varuka mitai rigo, ma iruku irina sanari amegediri, bi naivo rego.

Matthew 26:26

Kamini iruku irigamadiri, Iesu bi beredi be moisi Sei rofu buni tora gade masi uroki resi ini usi dina vene magasa niyo, “Moisi irifa; mina bi nai roaita.”

Mark 8:5

Ma nikaiteyo, “Ya bi beredi bado gokaisanu nufa?” Ma niyadi, “7.”

Mark 8:7

Ina venesa ka oyena keika be nufa, mina ka buni tora gade Sei rofu masi ka ini usi dina vene maro rau reyaganedi.

Mark 8:20

“Ma amiye 4,000 dada, beredi 7 odeyakari, tuta moisi bi gokaisanu foroka vata baeyadi?” Ma niyadi, “7.”