Mark 4:17 - Sei di Uka Ago Ruaka di Buka Bedakai

¹⁷ Idu ini daru inike bi de, ma amei doba de regedi. Ye mina ago dada toe ma esika baegediri, bi evade youfeidegedi.

Mark 4:17 Referans Kwoze

Matthew 11:6

Ma kaere na rofu mokei itu de rego, Sei yaku buni tora gade ina rofu mago!”

Niokuna sina 2:10

Beika baika dada esika esika moigi rofu bi ori ga refa. Neidefa, yi uka maina regika Bodaka yaku ya bedakai dibura yavari ya aego ma meda 10 ri toe moigedi. Gokai muyena tumu nigo, idu na rofu are rei gira re ma na yaku vegu ameibobina di obini ya magida.

Matthew 12:31

Mina dada ya vene rofu nida, amiye di vegu no tau ma Sei di roka moi no rina ago tau koite makugo, idu Vima kikifa ini roka moi no rigo, bi de koite makugo.

Niokuna sina 2:13

Yi amededi sana na diba; Satani di ourefeidena amena fata bi mironari. Idu nai roka dada yi vegu buniri are rei gira rededi, ye vegu rama resi ninegau rena amiye Antipas di medari, yi mokena vari gira na rofu aena de youfeideyo. Ina bi yi utari muyeyo; Satani ini amedo sanari mironi.

1 John 2:19

Una ferei diyadi, idu rama ina bi uni vene de; adina bi rama vonisi, bi unasa ameyagadu. Idu una ferei diyadi, ye mina yaku moi vabara riyo ina tau vakoi bi uni vene de.

Hebrew vene 10:29

Ya mokeisa ba ide, amiye kaere moi akeke riyo, uka ago di dava moi no risi buni tora gade di Vima nifafana resi Sei di Mida ini yuka gabireri etei riyo, bi ini obini no iniye iniye moigo?

2 Timothy 4:16

Ouresi nai vegu nigira regi na kota reyori, amiye yokoi yaku na aedegi de okiyo, idu amiye tau noibanu bi na feresi diyadi. Ina rofu bi toe ga iki maraine!

2 Timothy 1:15

Ya ya diba Asia gaganiri vene tau noibanu bi na ferei tavoi reyadi, Phygelus ma Hermogenes ka.

John 8:31

Ye Iesu yaku Jew vene kaere ina rofu mokena vari gira aeyadi rofu niyo, “Nai ago moi gira rigedi vonisi, ya bi rama nai usi dina vene;

Luke 12:10

“Ma kaere amiye yaku Amiye di mida rofu ago no nigo, Sei yaku ini vegu no koite makugo; idu kaere yaku Vima kikifa rofu ini roka moi no rigo, ini vegu no bi de koite makugo.

Matthew 13:21

idu ini daru bi de, ma amei doba de rego. Ye mina ago dada toe ma esika baegediri, bi evade youfeidego.

2 Timothy 4:10

Adina Demas bi mina kono di vegu uka masi na ferei disi Thessalonica ri boyo. Ma Crescens bi Galatia ri diyo ma Titus bi Dalmatia ri diyo.

Galatia vene 6:12

Mina amiye tau kaere roaita dudu, ini vegu buni regika ura rededi, ya rofu niduri rededi yi roaita nugaraine, ye Keriso di satauro rofu esika esika de magedi, mina maka.

Mark 4:16

Kamini bedakai bi abita foreri yareyadi kana; kaere ago neidesi evade maka ada dudu moiyadi.

Mark 4:18

Ma amiye be bi imiye tafa fogori yareyadi kana. Mina vene bi ago neideyadi,