Mark 13:32 - Sei di Uka Ago Ruaka di Buka Bedakai

³² “Idu amiye yokoi mirona meda, o meda nemoko bi toto, omari di naivo naivo vima ka ina toto, Mida ka ina toto, idu Baba iniye maka ina diba.

Mark 13:32 Referans Kwoze

Moimai di vegu 1:7

Ma niyo, “Baba ini vava iniye dudu ari ma meda aedo, idu ya bi mina ari ma meda ya toto.

Matthew 25:13

“Mina dada nari refa, adina ya ya toto mina meda o mina meda nemoko bi.

Niokuna sina 3:3

Mina dada beika ago neidesi moiyadi, mina mokesi moi gira risi vegu no feresi moi etagae rifa. Ye dadina de rego vonisi, bi duma duma amiye kana, ya rofu degida ma nai dena meda nemoko toto.

Matthew 25:6

“Urusa tobou niyori, amiye yokoi raka niyo, ‘Rema mego amiye bi mini! Ina baku regika defa!’

2 Peter 3:10

Idu Varika amiye di dego meda bi duma duma amiye kana. Mirona medari oma bi kukuroka tora dudu tutumui digo, ma omari beika amededi, iya, eyo ma meda bi ita yaku vai vau resi moi no rego, ma kono ma beika tau ini ideri amededi ka roro nigedi.

Matthew 25:19

“Ari doba tora niyori, mina moimai rei tavoi rededi vene di varika amiye okisi ini fore moiyadi mina moi rorobo rigi reyo kana.

Niokuna sina 1:1

Mina bi Iesu Keriso di niokuna sina sina Sei yaku ina maro, ye beika meda atafuri, vata niyainedi ini moimai rei tavoi rededi vene oteimago. Mina ago ini naivo naivo vima dudu ini moimai rei tavoi reida amiye na, John rofu nifeideyo,

Mark 13:31

Oma ma kono bi roro nigedi, idu nai ago bi roro de nigedi.