Luke 8:37 - Sei di Uka Ago Ruaka di Buka Bedakai

³⁷ Kamini mina Gerasa gagani tau vene yaku Iesu guyaguya niyadi, ina vene ferei diyainedi, adina bi ori yaku no iniye niyadi. Ye ina yaku boutiri keu risi diyo.

Luke 8:37 Referans Kwoze

Moimai di vegu 16:39

Ye uka moi amuta ma vana tuka regi bosi afesi dibura yavari gutuna yakusi usa niyadi mina gagani bi feresi diyaganedi.

Luke 10:16

Ini usi dina vene rofu niyo, “Kaere ya neidego, bi na neidego; ma kaere ya rofu gedu mago, bi na rofu gedu mago; ma kaere na rofu gedu mago, bi na nifeideyo amiye rofu gedu mago.”

Luke 9:56

Kamini rautu yokoiri boi neyadi.

Luke 9:5

Ma amiye tau kaere ya moi dui de regedi, bi mina taoni feresi yi yuka di budoka usi eyarefa. Ye mina bi ini vegu makai regedi yaku bi vei mama regedi.”

Luke 8:28

Iesu vegasa ababa nisi ini yuka atafu keto resi raka ni tora reyo, “Iesu, oma odoro Sei di mida, beika resi na rofu baesa? Ya niguba reida, esika na mana ga re!”

Luke 5:8

Ye Simon Peter mina veyori, Iesu di efukari yuka odesi niyo, “Varika amiye, na rofu etagae ri! Na bi vegu no reida amiye!”

Mark 5:17

Ye Iesu rofu niguba reyadi ini gagani feresi diyainedi.

Matthew 8:34

Ye taoni vene tau yaku Iesu baku regika boyadi; vegasa niguba reyadi ini gagani feresi diyainedi.

Luke 8:36

Ma mina vegu veyadi vene yaku amiye nigamadi gokai mina vima no nufa amiye bi buni niyo.

Luke 8:38

Ma mina vima no fereyadi amiye bi inasa digi niguba reyo. Idu nifeidegasa niyo,