Luke 4:14 - Sei di Uka Ago Ruaka di Buka Bedakai

¹⁴ Iesu bi Vima kikifa di vava dudu Galilee ri dairiyo, ma iniye di sina bi mina gagani tau vakoiri ni nega bogasa reyadi.

Luke 4:14 Referans Kwoze

Moimai di vegu 10:37

Beika vegu tora Judea konori vata niyo bi ya diba. Mina vegu siko Galilee ri vata niyo, John yaku ini babatiso sina nirausi reyo fufutari.

Matthew 4:12

Iesu John Baptist moi gira reyadi mina neidegasa dadi bosi Galilee ri neyo.

John 4:43

Meda remanu koina niyori, bi Galilee urana boyo.

Luke 4:37

Kamini beika regamo di sina bi gagani tora noibanuri urafo rei diyo.

Mark 1:28

Kamini evade Galilee gagani tora noibanuri ini sina urafo rei diyo.

Mark 1:14

John Baptist moi gira reyadi fufuta rofu, Iesu Galilee ri nesi Sei di ago buni nirausi regamo.

Matthew 9:26

Ma mina vegu di sina bi mina gagani tauri ogau niyo.

Matthew 9:31

Idu disi mina gagani tora noibanuri ini beika reyo mina niokuyadi.

Luke 4:13

Bodaka yaku Iesu vegu no reyainedi, ini uka maina regika nivena koina niyori, bi ferei diyo kumo meda buni yokoiri.