Luke 22:32 - Sei di Uka Ago Ruaka di Buka Bedakai

³² Idu ya dada usa usa niyaka, yi mokena vari gira aena mina ga yareyaine, ye na rofu dairigiyari, bi yi asiyaka vene egira re.”

Luke 22:32 Referans Kwoze

Rome vene 8:34

Kaere nifafana reyo? Iesu Keriso bi muyeyo, ma besa ka moi dadi rae reyo; ina bi Sei di vana rama eta rofu ameinu reyo. Rama bi una rofu ka guyaguya nido!

Hebrew vene 7:25

Mina dada, ina dudu Sei rofu ekaira regedi vene moi vegu ri vau rego, ina vene rofu toga usa usa nigi rofu toga ameibobigo dada.

2 Peter 3:14

Ye mina resi, nai uka maida vene, mina tua redediri, vegu buni maka ma no yokoi de, Sei di nemokori, ma uka amuta inasa yi buni di yeiva mama refa.

1 Peter 1:5

Mina bi ya rofu, yi mokena vari gira aena dudu, Sei yaku ini vava dudu nari rei mona redo ma yi moi vegu rina di ari di metonari, ya rofu ogau nigi dogo reyo.

Luke 8:13

Ma yo abita foreri yareyadi, bi amiye kaere ago neidesi ada dudu moiyadi kana. Idu ini daru bi de, ma mokena vari gira aena doba de regedi. Ye uka maina regika nivena baegori, bi youfeidegedi.

Moimai di vegu 3:19

Mina dada vegu no feresi moi etagae risi yi uka Sei rofu kero refa, ina yaku yi vegu no koite makugo dada.

1 Peter 1:13

Mina resi moimai rena fafau mokei mona resi yi yuka vana nari regasa Iesu Keriso ogau nigori, buni tora gade ya rofu baego, mina rofu uka mokena ae mona refa.

Hebrew vene 12:15

Vei mona refo amiye yokoi yaku Sei di buni tora gade moina rofu fufuta mago baebu; ye daru gutuna ru meto bosi toe moi baego ma mina makai amiye tau moi kino rigo baebu;

Matthew 18:3

niyo, “Rama ya nida, ya bi diya vegu no gedu masi mida keika kana nigedi vonisi, bi toga Sei di ourefeidena amena sana omari dui de regedi.

1 John 2:19

Una ferei diyadi, idu rama ina bi uni vene de; adina bi rama vonisi, bi unasa ameyagadu. Idu una ferei diyadi, ye mina yaku moi vabara riyo ina tau vakoi bi uni vene de.

John 14:19

Doba de kono tora noibanu di vene yaku dudusa na vena de regedi, idu ya yaku bi na vegedi. Adina na vegu ameida kana, ya ka vegu ameibobigedi.

Mark 14:72

Ma evade kokoro dudusa raka niyo. Kamini Peter bi beika vata nigo di ago Iesu yaku niyo mina mokeyo, “Kokoro uru remanu raka nina koderi, uru regode na nisui regiya.” Mina mokena yaku uyo ma isaka niyo.

Mark 16:7

Idu bosi ini usi dina vene ma Peter nioteimafa, ‘Ina siko Galilee urana bodo. Bi mironari baku regedi, ini niyo kana.’ ”

Matthew 26:75

ma Peter yaku Iesu beika vata nigo di ago niyo mina mokeyo: “Kokoro raka nina koderi, uru regode na nisui regiya.” Ye etofaro yakusi isaka no iniye iniye niyo.

1 Peter 1:1

Na Peter, kaere bi Iesu Keriso di nifeidena amiye— Sei di auba reyo vene kaere bi Pontus, Galatia, Cappadocia, Asia ma Bithynia gagani gaganiri rerevaida nisi amededi vene idana kana rofu mina bura reyaka.

Rome vene 8:32

Ini Mida moi gira de reyo, idu una tau gade rofu maro—ye makai ina ka beika baika tau gade davana nufa de una mago.

Titus 1:1

Na Paul, kaere bi Sei di moimai rei tavoi reida amiye, ma Iesu Keriso di nifeidena amiye mina bura reida. Mina reida dada, Sei yaku ini auba reyo vene bi ini mokena vari gira aesi sina rama di mokena moisi Sei ini mokena kana bi regedi. Ye toga toga ameibobina vegu di uka mokena moigifa, goina bi Sei, kaere ofa de nido, bi ari dobau sena nitore reyo.

2 Timothy 2:18

kaere bi ago rama dada rerevaida ni diyadi; ini ago niyadi bi amiye muyenari gutuna dadi rae rena bi sena koina niyo. Ye amiye bedakai di mokena vari gira aena bi uyareyadi.