Luke 21:15 - Sei di Uka Ago Ruaka di Buka Bedakai

¹⁵ adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

Luke 21:15 Referans Kwoze

Ephesus vene 6:19

Resi na dada ka usa usa nibifa, ye sina nigika uka bubu dudu ago nigidari, bi na mago, ye ago buni di sui ago niokugida.

Luke 12:12

Adina mina medari, Vima kikifa yaku ya beika ago nigedi mina ya oteimago.”

Moimai di vegu 6:10

Idu Vima yaku mokena tora Stephen maro, dada ini sina nigamori, bi ina vene yaku ini ago dairi nikabai rena bi anua reyadi.

Luke 24:45

Dada Sei di agori beika bura reyadi vei mama reyaganedi ini mokena moi vabara risi

James 1:5

Idu yi fogori amiye bi mokena vabara nufa de vonisi, Sei rofu usa niyagadu, kaere bi amiye noibanu emana rena de dudu rau resi ina mago.

Moimai di vegu 26:28

Kamini Agrippa yaku Paul niyo, “Mina medari maka, yi mokenari bi ekalesia amiye rofu na nikake reisa ba?”

Moimai di vegu 24:25

Paul yaku mokena rorobo ma yuka vana nari rena ma Sei di kota rego meda mina sina sina nioteimaro, ma Felix mina neidegasa ori resi niyo, “Gua bi digiya. Ma ari buni yokoiri dudusa ya nirutu regida.”

Moimai di vegu 2:4

Vima kikifa yaku mina vene tau di roaita vata baeyo dada gokai magamo kana ina vene bi gagani be vene di ago nigamadi.

Luke 21:16

Ye yi nono baba, yi dubuiyaka, yi usika ourena, ma yi asiyaka yaku ka ya siri resi tourage resi ya umuyegedi.