Luke 20:46 - Sei di Uka Ago Ruaka di Buka Bedakai

⁴⁶ “Vei mona refo ago gira oteimana vene rofu, kaere varuka doba dudu nana regika ma maketiri amiye yaku ago buni dudu matagini reyagane, ma usa usa yavari ma irakuna sanari amena sana ka buni torari ura rededi.

Luke 20:46 Referans Kwoze

Luke 11:43

“Ya Pharisee vene, bi iriyeduka no iniye iniye ya rofu bi! Adina usa usa yavari amena sana ka buni torari, ma maketiri amiye yaku ago buni dudu matagini reyagane, ura rededi.

Luke 14:7

Iesu yaku raka niyadi vene be veyo, amena sana burefe maina regamadi, dada mina mokena ago ina vene rofu niyo:

Luke 12:1

Mina ituari, amiye tau gade gade okisi egogo resi iniye iniye mini etei rigamadi, ye Iesu siko ini usi dina vene rofu nigi kora reyo, “Ya kaya Pharisee vene di yeast nari rei mona refa—mina bi ini ofarosi vegu.

Matthew 16:6

Ye Iesu yaku niyo, “Nari resi Pharisee vene ma Sadducee vene di yeast rofu vei mona refa.”

3 John 1:9

Fefa tumu yokoi ekalesia vene rofu sena bura reyaka, idu Diotrephes, kaere iniye nigi ina bi ourefeidena amiye ura redo, bi una mokei vava de redo.

2 Timothy 4:15

Ya ka ina rofu vei mona re, adina uni oteimana ago rofu una tourage rei mona reyo.

Rome vene 12:10

Ya iniye iniye usika ourena kana uka mafa. Ya kaya ya kaya moi akeke resi ya kaya ya kaya kikifa refa.

Mark 8:15

Ye Iesu ago gira masi niyo, “Nari resi Pharisee vene ma Herod di yeast rofu vei mona refa.”

Matthew 23:1

Kamini Iesu yaku amiye tau ma ini usi dina vene rofu nisi

Luke 20:47

Ina vene yaku obu vene di gugura ka duma resi ofa dudu usa usa doba nioteimadedi. Mina kana vene, ini kaunava bi tora iniye!”