Luke 18:42 - Sei di Uka Ago Ruaka di Buka Bedakai

⁴² Ma niyo, “Ve kumo! Yi mokena vari gira aena yaku ya moi buni riyo.”

Luke 18:42 Referans Kwoze

Luke 17:19

Resi ina rofu niyo, “Dadisi bo. Yi mokena vari gira aena yaku ya moi buni riyo.”

Luke 8:48

Ma niyo, “Nai vefa, yi mokena vari gira aena yaku ya moi buni riyo. Uka amuta dudu di.”

Matthew 8:3

Kamini Iesu yaku ini vana moi roto risi mina amiye avaka moisi niyo, “Na ura reida; ruaka ni!” Minari maka ini roaitari refera gauka bi ruaka niyo.

Luke 7:50

Kamini Iesu yaku mina rema rofu niyo, “Yi mokena vari gira aena yaku ya moi vegu riyo; uka amuta dudu di.”

Matthew 9:22

Ma Iesu kero resi mina rema vesi niyo, “Nai vefa, mokei itu ga re; yi mokena vari gira aena yaku ya moi buni riyo.” Minari maka buni niyo.

Matthew 15:28

Ye nikabai reyo, “Rema, yi mokena vari gira aena bi tora gade! Yi beika mokegasa nisa bi ya rofu vata nigo.” Ye mina meda nemokori ini vefa bi moi buni riyo.

Luke 18:41

“Ya ura reisa bi beika ya rofu regida?” Nikabai resi niyo, “Varika amiye, na ura reida bi dudusa gagani vegida.”